વીડિયો / OMG... વિશ્વનો સૌથી મોટો ડિજિટલ કેમેરો! જેમાં આવેલ છે 3200 મેગાપિક્સલનો લેન્સ, જે ખોલશે બ્રહ્માંડનું રહસ્ય

અંતરિક્ષના અગણિત રહસ્યોને ઉકેલવા માટે વૈજ્ઞાનિકોએ એક અનોખી શોધ કરી છે, જે છે વિશ્વનો સૌથી મોટો ડિજિટલ કેમેરા! આ કેમેરામાં 3200 મેગાપિક્સેલ છે, જેની કલ્પના કરવી પણ મુશ્કેલ છે. આ કેમેરાને ચિલીમાં આવેલ વેરા સી. રૂબિન ઓબ્ઝર્વેટરીના એક શક્તિશાળી ટેલિસ્કોપમાં લગાવવામાં આવશે.  

LSST નામના આ કેમેરાને બનાવવામાં વૈજ્ઞાનિકોને 20 વર્ષ લાગ્યા. આ કેમેરાને રૂબિન ઓબ્ઝર્વેટરીના સિમોની સર્વે ટેલિસ્કોપમાં લગાવવામાં આવશે, જ્યાંથી આ કેમેરા બ્રહ્માંડની અદભૂત તસવીરો કેપ્ચર કરશે. વૈજ્ઞાનિકોને આશા છે કે આ તસવીરો એટલી સ્પષ્ટ હશે કે આપણે સ્પેસ વિશે ઘણું નવું જાણી શકીશું.

#BREAKING: U.S. BUILDS CAR-SIZED DIGITAL CAMERA TO EXPLORE THE UNIVERSE!

After two decades, SLAC National Accelerator Laboratory unveils the Legacy Survey of Space and Time (LSST) camera.

This 3200-megapixel giant, aimed to unravel cosmic mysteries including dark matter, will… pic.twitter.com/SPjG9C1LK6

— Genius Bot X (@GeniusBotX) April 4, 2024

આ કેમેરા ડાર્ક મેટર, ડાર્ક એનર્જી, દૂરની આકાશગંગાઓ અને આપણા પોતાના સૌરમંડળ વિશે માહિતી એકત્ર કરવામાં મદદ કરશે. અમેરિકાના નેશનલ સાયન્સ ફાઉન્ડેશન અને યુએસ ડિપાર્ટમેન્ટ ઓફ એનર્જીએ આ કેમેરા બનાવવામાં મહત્ત્વની ભૂમિકા ભજવી છે.

નાની કારના કદના આ કેમેરાનું વજન 3000 કિલોગ્રામ છે. તેનો મુખ્ય લેન્સ લગભગ 5 ફૂટ પહોળો છે, જે આ પ્રકારના કામ માટે બનાવવામાં આવેલો અત્યાર સુધીનો સૌથી મોટો લેન્સ છે. બીજો લેન્સ પણ 3 ફૂટ પહોળો છે. આ બંને લેન્સને ખાસ વેક્યૂમ ચેમ્બરમાં રાખવામાં આવ્યા છે.

 

A 3,200-megapixel digital camera is ready for its cosmic photoshoot

The Legacy Survey of Space and Time (LSST) Camera is the size of a small car—and the biggest digital camera ever built for astronomy.

The world’s largest digital camera is officially ready to begin filming “the… pic.twitter.com/bHGeWuGsnH

— Owen Gregorian (@OwenGregorian) April 4, 2024

આ કેમેરાની તસવીરો એટલી વિગતવાર હશે કે તમે 25 કિલોમીટર દૂર પડેલો ગોલ્ફ બોલ પણ સ્પષ્ટ જોઈ શકશો! તે આખા ચાંદની આકર્ષક તસવીરો પણ લઈ શકે છે.

વધુ વાંચો: ત્રણ દિવસ દુનિયામાં અંધકાર છવાશે: જીવતા નાસ્ત્રેદમસની ભવિષ્યવાણી પડશે સાચી, 8 એપ્રિલ તારીખ

હવે આ કેમેરાને પેક કરીને ચિલીના એન્ડીસ પર્વતમાળામાં 8980 ફૂટની ઉંચાઈ પર સ્થિત સિમોની સર્વે ટેલિસ્કોપ સુધી લઈ જવામાં આવશે. ટૂંક સમયમાં, આ કેમેરા બ્રહ્માંડના રહસ્યોને ઉજાગર કરવાની પોતાની સફર શરૂ કરશે અને આપણને અવકાશ વિશેની અનોખી માહિતી આપશે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો