વિશ્વ / કેરેબિયન સાગરમાં અમેરિકાએ કર્યો ફરી હુમલો, ડ્રગ્સ તસ્કરી કરતી બોટને બનાવી નિશાન

Caribbean drug boat : કેરેબિયન સમુદ્રમાં ડ્રગ્સની દાણચોરી કરતી એક શંકાસ્પદ બોટ પર અમેરિકન સૈન્યએ લશ્કરી કાર્યવાહી કરી છે, જેના પરિણામે 27 લોકોના મોત થયા છે. આ ઘટનાએ અમેરિકા અને વેનેઝુએલા વચ્ચેના પહેલેથી તણાવપૂર્ણ સંબંધોને વધુ ઉગ્ર બનાવી દીધા છે. મીડિયા અહેવાલો અનુસાર આ પ્રથમ વખત છે જ્યારે આવા હુમલામાં કેટલાક લોકો જીવતા બચી ગયા છે. જોકે તે લોકોને બચાવવામાં આવ્યા છે કે, તેઓ અમેરિકન કસ્ટડીમાં છે તેની પુષ્ટિ હજુ સુધી થઇ નથી. પેન્ટાગોને પણ આ મુદ્દે કોઈ સ્પષ્ટ ટિપ્પણી આપી નથી.

'ગેરકાયદેસર રાષ્ટ્રપતિ' તરીકે ટ્રમ્પના નિવેદનથી તણાવ વધ્યો

અમેરીકાના રાષ્ટ્રપતિ ડોનાલ્ડ ટ્રમ્પે વેનેઝુએલાના રાષ્ટ્રપતિ નિકોલસ માદુરોને "ગેરકાયદેસર રાષ્ટ્રપતિ" ગણાવતા રાજનૈતિક તણાવ વધુ ઊંડો થયો છે. વ્હાઇટ હાઉસના પ્રેસ સેક્રેટરી કેરોલિન લેવિટે જણાવ્યું હતું કે, ટ્રમ્પના મતે માદુરો વેનેઝુએલાની જનતાનું કાયદેસર પ્રતિનિધિત્વ કરતા નથી અને તેમનું શાસન અમાન્ય છે.

એક મીડિયા અહેવાલ અનુસાર આ હુમલાની કાનૂની સંવેદનશીલતા અંગે અનેક નિષ્ણાતો અને ડેમોક્રેટિક નેતાઓએ શંકા વ્યક્ત કરી છે. યુદ્ધના આંતરરાષ્ટ્રીય કાયદા હેઠળ આવી કાર્યવાહી યોગ્ય છે કે નહીં તે મુદ્દે ચર્ચા ચાલી રહી છે. ટ્રમ્પ વહીવટીતંત્રનો દાવો છે કે, અમેરિકાની ઓપરેશન નીતિ ડ્રગ-આતંકવાદીઓ સામે ચાલતી અપ્રતિક્ષ યુદ્ધની ભાગરૂપ છે, જેથી આ હુમલાને કાયદેસર ગણાવી શકાય.

કેરેબિયનમાં યુએસ લશ્કરી તૈનાતીમાં વધારો

આ હુમલાઓની સાથે અમેરિકાએ કેરેબિયન વિસ્તારમાં પોતાની લશ્કરી હાજરીમાં પણ નોંધપાત્ર વધારો કર્યો છે. ગાઇડેડ મિસાઇલ ડિસ્ટ્રોયર, F-35 ફાઇટર જેટ્સ, પરમાણુ સબમરીન અને આશરે 6,500 સૈનિકો તૈનાત કરવામાં આવ્યા છે. તજજ્ઞો માનીએ છે કે, ટ્રમ્પ વહીવટીતંત્ર વેનેઝુએલાની સરકાર સામે દબાણ વધારવાનું આયોજન કરી રહ્યું છે.

CIA ને ગુપ્ત ઓપરેશનની મંજૂરી

ટ્રમ્પે જાહેરમાં જણાવ્યું છે કે, તેમણે CIA ને વેનેઝુએલાની અંદર ગુપ્ત કાર્યવાહી કરવાની મંજૂરી આપી છે. આ નિવેદનથી કારાકાસમાં એવી અટકળો વધુ ગાઢ થઇ છે કે અમેરિકાની લક્ષ્યાંકિત નીતિ રાષ્ટ્રપતિ માદુરોને સત્તાથી દૂર કરવાની દિશામાં આગળ વધી રહી છે.

વેનેઝુએલાની સંયુક્ત રાષ્ટ્રમાં ફરિયાદ

વેનેઝુએલાના યુએન દૂત સેમ્યુઅલ મોનકાડાએ સંયુક્ત રાષ્ટ્રના સુરક્ષા પરિષદને પત્ર લખીને અમેરિકન હુમલાઓને "ગેરકાયદેસર" જાહેર કરવાની માંગ ઉઠાવી છે અને વેનેઝુએલાના સાર્વભૌમત્વને માન્યતા આપવા અપીલ કરી છે.

આ પણ વાંચો : ડોનાલ્ડ ટ્રમ્પની ડબલ ગેમ! ઝેલેન્સકીને મળતા પહેલા રાષ્ટ્રપતિ પુતિનને ઘુમાવ્યો ફોન

નવી ટાસ્ક ફોર્સનું ઘોષણ અને સધર્ન કમાન્ડનો અવસાન

ગયા અઠવાડિયે પેન્ટાગોએ જાહેરાત કરી હતી કે, મિયામી સ્થિત “સધર્ન કમાન્ડ”ની જગ્યા હવે એક નવી ટાસ્ક ફોર્સ લેશે. આ ટાસ્ક ફોર્સ ઉત્તર કેરોલિનાના કેમ્પ લેજેયુન સ્થિત II મરીન એક્સપિડિશનરી ફોર્સ દ્વારા સંચાલિત થશે, જે તેની ઝડપી વિદેશી સૈન્ય કાર્યવાહીઓ માટે જાણીતી છે. સૈન્ય સ્તરે આ ફેરફાર ઉલ્થાપથલ સમાન ગણાવવામાં આવી રહ્યો છે, કારણ કે "સધર્ન કમાન્ડ" સામાન્ય રીતે લેટિન અમેરિકા અને કેરેબિયન વિસ્તારની ઊંચી પ્રોફાઇલવાળી ઓપરેશનોનું નેતૃત્વ કરતી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ