DUBAI / દુબઈમાં મોટો અકસ્માત, ભારતીય કામદારો સહિત 7 લોકોના મોત

Dubai Accident: બસમાં સવાર નવ લોકો ઘાયલ થયા. જેમાંથી પાંચને ગંભીર ઈજાઓ થઈ, જ્યારે ચારને નાની ઈજાઓ થઈ. બધાને હોસ્પિટલમાં સારવાર આપવામાં આવી રહી છે.

સોમવાર (8 જૂન, 2026) ના દુબઈના એમિરેટ્સ રોડ પર થયેલા ભયાનક માર્ગ અકસ્માતમાં અનેક ભારતીય કામદારો સહિત સાત લોકોના મોત થયા. દુબઈ પોલીસની પ્રારંભિક તપાસ મુજબ ટેકનિકલ ખામીને કારણે એક ટ્રક રસ્તાની વચ્ચે ઉભી રહી હતી. પાછળથી આવી રહેલી મિનિબસ ટ્રકના પાછળના ભાગ સાથે અથડાઈ હતી. દુબઈમાં ભારતીય દૂતાવાસે એક્સ પર પોસ્ટ કર્યું કે અકસ્માતમાં ભારતીય કામદારના મૃત્યુ અને ઘણા લોકો ઘાયલ થયા છે. જોકે માર્યા ગયેલા ભારતીયોનો ચોક્કસ આંકડો હજુ સુધી જાણી શકાયો નથી.

મૃતકોમાં ભારતીય કામદારો

ભારતીય દૂતાવાસે સોશિયલ મીડિયા પ્લેટફોર્મ એક્સ પર જણાવ્યું હતું કે તેના અધિકારીઓ હોસ્પિટલ પહોંચી ગયા છે. તેઓ ઘાયલ ભારતીયોને મળ્યા છે અને સ્થાનિક વહીવટીતંત્ર સાથે મળીને શક્ય તમામ સહાય પૂરી પાડી રહ્યા છે. દૂતાવાસે પણ પીડિતોના પરિવારો પ્રત્યે ઊંડી સંવેદના વ્યક્ત કરી છે.

આ પણ વાંચોઃ વિશ્વ / POKમાં પાકિસ્તાન વિરુદ્ધ બળવો, પાક સેનાએ કર્યો ગોળીબાર, 26 લોકોના મોત

દુબઈ પોલીસના ટ્રાફિક વિભાગે જણાવ્યું હતું કે, "બસમાં સવાર નવ લોકો ઘાયલ થયા હતા. તેમાંથી પાંચને ગંભીર ઈજાઓ થઈ હતી, જ્યારે ચાર અન્ય લોકોને નાની ઈજાઓ થઈ હતી. બધાને હોસ્પિટલમાં સારવાર આપવામાં આવી રહી છે." અકસ્માત પછી જાહેર કરાયેલા ફોટામાં દેખાય છે ટક્કર એટલી જોરદાર હતી જેના કારણે મિનિબસના ખુરચા ઉડી ગયા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ