વિવાદ / શું મસ્ક 2028માં રાષ્ટ્રપતિ પદ માટે ચૂંટણી લડશે? જાણો કોણ કરી રહ્યું છે ફંડિંગ

અમેરિકામાં રાજકારણ એક નવી દિશામાં વળ્યું છે. રાષ્ટ્રપતિ ડોનાલ્ડ ટ્રમ્પના નેતૃત્વ હેઠળ Big Beautiful Bill તરીકે ઓળખાતો વિવાદાસ્પદ કાયદો કોંગ્રેસ દ્વારા પસાર થયા બાદ, ટેસ્લાના વડા અને ઉદ્યોગપતિ એલન મસ્કે તેમની નવી રાજકીય પાર્ટી ‘અમેરિકા પાર્ટી’ શરૂ કરવાની જાહેરાત કરી છે. તેમણે સ્પષ્ટ રીતે જણાવ્યું હતું કે, તેઓ આ કાયદાના વિરુદ્ધ છે અને એક ત્રીજો વિકલ્પ લોકો સમક્ષ રજૂ કરવા માંગે છે.

એલન મસ્કે સોશિયલ મીડિયા પ્લેટફોર્મ X પર જણાવ્યું હતું કે, 2:1 ના અનુપાતમાં લોકોને નવી પાર્ટી જોઈએ છે અને હવે તે બની ગઈ છે. તેઓએ કહ્યું કે "અમેરિકા પાર્ટી" લોકોને તેમની સ્વતંત્રતા પરત આપશે. જોકે, આ પાર્ટીનો એજન્ડા, લક્ષ્યાંકો કે સ્ટ્રક્ચર વિશે મસ્કે કોઈ ખાસ વિગતો આપેલી નથી. મસ્કે અગાઉ પણ કેટલીક વખત નવા રાજકીય પ્લેટફોર્મની જરૂરત વ્યક્ત કરી હતી.

પ્રમુખ પદ માટે ચૂંટણી લડી શકશે

તેમ છતાં, પ્રમુખ પદ માટે મસ્ક ચૂંટણી લડી શકશે નહીં. US બંધારણ અનુસાર રાષ્ટ્રપતિ બનવા માટે નેચરલ બોર્ન અમેરિકન નાગરિક હોવું જરૂરી છે, જ્યારે મસ્ક દક્ષિણ આફ્રિકામાં જન્મ્યા હતા અને તેઓને 2002માં અમેરિકાની નાગરિકતા મળેલી. 2024માં પણ તેમણે પોતે આ વાત સ્વીકારી હતી કે તેઓ રાષ્ટ્રપતિ બનવા માટે પાત્ર નથી.

મહત્વની વાત કરીએ તો, એક અહેવાલ અનુસાર મસ્કની કુલ સંપત્તિ $405.2 બિલિયન છે, જે તેમને વિશ્વના સૌથી ધનિક વ્યક્તિ બનાવે છે. "અમેરિકા પાર્ટી" માટે મસ્ક મુખ્ય ફંડર છે. 2024માં તેમણે ટ્રમ્પના અભિયાન માટે આશરે $40.5 મિલિયન ખર્ચ્યા હતા. મસ્ક પાસે પોતાનો "PAC" છે, જેને હવે નવી પાર્ટી માટે વાપરી શકાય છે. જોકે, “મેકકેઇન-ફીન્ગોલ્ડ એક્ટ” અનુસાર વ્યક્તિગત દાનની મર્યાદા $450,000 સુધી જ રાખવામાં આવે છે, એટલે તેમને હવે સુપર PAC અથવા સહ-ફંડર્સની જરૂર પડશે.

આ પણ વાંચો : એલન મસ્કે નવી પાર્ટી બનાવી, જાણો શું છે દુનિયાના સૌથી ધનિક વ્યક્તિનો રાજકીય પ્લાન

મોટી રસપ્રદ વાત એ છે કે મસ્કની આ ઘોષણા US રાજકારણમાં ત્રીજી મોટી શક્તિ તરીકે ઉભરી શકે છે, ખાસ કરીને એવા સમયે જ્યારે દેશમાં પાર્ટી સિસ્ટમને લઈ અસંતુષ્ટિ વધી રહી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ