World Cup 2023 / 'કોહલી કો બોલિંગ દો', મેચની વચ્ચે ભારતીય પ્રશંસકોની રસપ્રદ માંગ, વિરાટના રીએક્શન વાયરલ

• ટીમ ઈન્ડિયાએ શ્રીલંકાને હરાવીને સેમિફાઈનલમાં પ્રવેશ કર્યો
• સ્ટેડિયમના દર્શકોએ વિરાટ કોહલીને બોલિંગ આપવાની માંગ કરી 
• આ માંગ પર વિરાટ કોહલીએ પણ જબરદસ્ત પ્રતિક્રિયા આપી

ટીમ ઈન્ડિયાએ ગુરુવારે મુંબઈના વાનખેડે સ્ટેડિયમમાં શ્રીલંકાને 302 રનથી હરાવીને વર્લ્ડ કપ 2023ની સેમિફાઈનલમાં પ્રવેશ કર્યો હતો.આ જીતમાં ટીમ ઈન્ડિયાએ બેટિંગ અને બોલિંગે બંનેમાં શાનદાર પ્રદર્શન કર્યું હતું. ટીમ ઈન્ડિયા તરફથી જસપ્રીત બુમરાહ, મોહમ્મદ શમી અને મોહમ્મદ સિરાજની ત્રિપુટીએ શ્રીલંકાના બેટ્સમેનોને ઘૂંટણિયે પડવા પર મજબૂર કર્યા હતા.એક સમયે શ્રીલંકાનો સ્કોર 3 વિકેટે 2 રન હતો.

Wankhede crowd chanting 'Kohli ko bowling do (give bowling to Kohli)'.pic.twitter.com/GzY2nNzqVG

— Mufaddal Vohra (@mufaddal_vohra) November 2, 2023

જ્યારે ટીમ ઈન્ડિયા શ્રીલંકાના બેટ્સમેનોને એક-પછી-એક એમ આઉટ કરી રહી હતી ત્યારે સ્ટેડિયમના દર્શકોએ વિરાટ કોહલી માટે રસપ્રદ માંગ કરવાનું શરૂ કરી દીધું હતું. જેનો વીડિયો સોશિયલ મીડિયા પર ખૂબ જ વાયરલ થઈ રહ્યો છે.

ટીમ ઈન્ડિયાએ પહેલા જ શ્રીલંકાના અડધા બેટ્સમેનોને પેવેલિયનનો રસ્તો બતાવી દીધો હતો, ત્યારબાદ સ્ટેડિયમમાં બેઠેલા પ્રશંસકો તરફથી વિરાટ કોહલીને બોલિંગ આપવાની માંગ આવવા લાગી. ક્રિકેટ ચાહકો સ્ટેડિયમમાં એકસાથે જોર જોરથી બૂમો પાડવા લાગ્યા, "કોહલીને બોલિંગ આપો, કોહલીને બોલિંગ આપો."

The Wankhede crowds chanting "Kohli Ko bowling Do" and Virat Kohli's reactions.

King Kohli - The True Entertainer of the game, The crowd favourite!🐐 pic.twitter.com/5sPrhmZhkG

— CricketMAN2 (@ImTanujSingh) November 2, 2023

આ પછી વિરાટ કોહલીએ પણ પોતાની બોલિંગ સ્ટાઈલમાં જબરદસ્ત પ્રતિક્રિયા આપી હતી.પ્રશંસકોની માંગને પગલે વિરાટ કોહલીએ બોલિંગ માટે વોર્મ અપ કરવાનું શરૂ કર્યું. આ વીડિયો સોશિયલ મીડિયા પર ખૂબ જ વાયરલ થઈ રહ્યો છે.

Virat Kohli's reaction when Wankhede crowd chanted 'Kohli ko bowling do'. 😂❤️pic.twitter.com/ggvdm8jEY5

— Mufaddal Vohra (@mufaddal_vohra) November 2, 2023

કેવો રહ્યો મેચ?
ટીમ ઈન્ડિયા ટોસ હારીને બેટિંગ કરવા આવી ત્યારે તેણે શરૂઆતની ઓવરમાં જ કેપ્ટનરોહિત શર્માનીવિકેટ ગુમાવી દીધી હતી .આ પછી વિરાટ કોહલીએ શુભમન ગિલ સાથે મળીને ટીમને મજબૂત શરૂઆત અપાવી હતી.આ મેચમાં વિરાટ કોહલીએ 88 રનની શાનદાર ઇનિંગ રમી હતી.જોકે, તે તેની રેકોર્ડ 49મી સદી ચૂકી ગયો હતો.હવે વિરાટ કોહલીએ ક્રિકેટ ચાહકોની રાહ 5 નવેમ્બર સુધી લંબાવી છે.વિરાટ કોહલી 5 નવેમ્બરે કોલકાતાના ઈડન ગાર્ડનમાં તેના જન્મદિવસ પર સાઉથ આફ્રિકા સામે ટકરાશે. જણાવી દઈએ કે વિરાટ કોહલી સચિન તેંડુલકરની રેકોર્ડ 49મી ODI ઈન્ટરનેશનલ સદીથી એક ડગલું દૂર છે.