ભયાનક / VIDEO : રમકડાની જેમ ગાડીઓ ઉલળી, ઈરાન પર ઈઝરાયલનો વિનાશક હુમલો

ઈઝરાયલ અને ઈરાન વચ્ચે થયેલું 12 દિવસનું યુદ્ધ હવે સત્તાવાર રીતે બંધ થઈ ગયું છે પરંતુ બંને દેશો વચ્ચેના તણાવનો ભય હજુ પણ રહેલો છે. આ યુદ્ધ દરમિયાનનો એક વિડિયો સામે આવ્યો છે, જે ઘણો જ હ્રદયદ્રાવક છે. આ વિડિયોમાં જોવા મળે છે કે ઈઝરાયલે ઈરાનની રાજધાની તેહરાન પર કેવી રીતે ભયંકર હવાઈ હુમલો કર્યો હતો. હુમલો એટલો જબરદસ્ત હતો કે એવું લાગે કે હોલીવુડની કોઈ એક્શન ફિલ્મ ચાલી રહી હોય.

“ઓપરેશન રાઇઝિંગ લાયન”

આ સમગ્ર ઘટના “ઓપરેશન રાઇઝિંગ લાયન” અંતર્ગત ઈઝરાયલ દ્વારા અમલમાં મૂકવામાં આવી હતી. CCTV ફૂટેજમાં દેખાય છે કે ઈઝરાયલની વાયુસેનાએ તેહરાનના ઉત્તર ભાગના જિલ્લા 1માં આવેલી એક સરકારી ઇમારતને નિશાન બનાવી. હુમલા દરમિયાન બે મિસાઈલો ફાયર કરવામાં આવી હતી. જેમાંથી એક સીધી ઇમારત પર જઇને અથડાઈ અને બીજી મિસાઇલ નજીકના તાજરીશ રાઉન્ડઅબાઉટ ખાતે પડતાં ત્યાં પાર્ક કરેલી કારોને ભારે નુકસાન પહોંચ્યું.

વીડિયોમાં શું છે ?

વીડિયોમાં સ્પષ્ટ જોવા મળે છે કે વિસ્ફોટ એટલો ભયાનક હતો કે જેટલી કાર હતી તે તમામ હવામાં ઘણા ફૂટ સુધી ઉડી ગઈ હતી. થોડા સેકન્ડમાં નજીકની એક ઇમારત પણ ધરાશાયી થઈ ગઈ. આવા દ્રશ્યો સામાન્ય રીતે માત્ર ફિલ્મોમાં જ જોવા મળે છે. વિડિયોના આ દ્રશ્યો ઈઝરાયલની લશ્કરી તાકાત અને હુમલાની ગંભીરતાને સ્પષ્ટ કરે છે.

ઇરાનના 935 લોકોના થયા છે મોત

આ 12 દિવસના યુદ્ધ દરમિયાન ઈઝરાયલના હવાઈ હુમલાઓમાં ઈરાનના 935 લોકોના મોત થયા છે. તેમાં ઈરાનના ટોચના લશ્કરી કમાન્ડરો, જનરલો અને પરમાણુ વૈજ્ઞાનિકોનો પણ સમાવેશ થાય છે. ઘણાં પરમાણુ અને લશ્કરી થાણાઓને પણ ધ્વસ્ત કરવામાં આવ્યા છે. મિસાઈલ સ્ટોરેજ અને અન્ય મહત્વપૂર્ણ મથકોને પણ નિશાન બનાવવામાં આવ્યા હતા.

આ પણ વાંચો : VIDEO : ફ્લાઈટમાં ગળું દબાવીને મારામારી કરી, ભારતીય મૂળના વ્યક્તિની ધરપકડ

જવાબમાં કર્યો હુમલો

જવાબમાં ઈરાને પણ ઈઝરાયલ પર હુમલાઓ કર્યા હતા, પણ તેમાં 26 લોકોના મૃત્યુ થયા હોવાનું ઈઝરાયલના રક્ષણ દળ IDF દ્વારા જણાવાયું છે. હાલ ભલે યુદ્ધ થંભી ગયું છે, પણ આજનો વીડિયો એ વાતનો ઈશારો કરે છે કે બંને દેશો વચ્ચે હજી પણ યુદ્ધની આગ સળગી રહ્યી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ