NULL / દેશમાં ઉંચાઈની હોડ સ્ટેચ્યૂ ઓફ યૂનિટી બાદ મુંબઈમાં બનશે છત્રપતિ શિવાજીની પ્રતિમા

મુંબઇ: હાલ દેશમાં ઊંચી પ્રતિમા અને નામકરણનું રાજકારણ ચાલી રહ્યુ હોય એવું લાગી રહ્યું છે. એક તરફ આગામી વર્ષે લોકસભાની ચૂંટણી યોજાવા જઈ રહી છે તો બીજી તરફ કોણ સૌથી ઊંચી પ્રતિમા બનાવે તેને લઈને હાલ જાણે રેસ ચાલી રહી હોય એવું લાગી રહ્યું છે. 

ગુજરાતમાં સરદાર વલ્લભભાઈ પટેલની વિશ્વની સૌથી ઊંચી પ્રતિમા બનાવીને વિશ્વનું ધ્યાન ભારત તરફ ખેંચવામાં આવ્યું છે. તો લોકમુખે એવી પણ ચર્ચા ચાલી રહી છે આ એક રાજકારણનો ભાગ છે. હાલ દેશમાં ઊંચાઈ પર રાજકારણ ચાલી રહ્યું છે. એટલું જ નહીં અયોધ્યામાં પણ શ્રીરામની ઊંચી પ્રતિમા બનાવવાને લઈને કામગીરી ચાલી રહી છે. 

ત્યારે રાજસ્થાનમાં શિવજીની પ્રતિમા કે જે ટૂંક સમયમાં પૂર્ણ થશે. 351 ફૂટની આ પ્રતિમા આગામી વર્ષ સુધીમાં પૂર્ણ થશે. તો મુંબઈમાં પણ દરિયા વચ્ચે છત્રપતિ શિવજીની પ્રતિમા બની રહી છે. આ જોઈને એવું લાગે છે કે રાજકીય પક્ષો પોતાની વોટબેક ઊભી કરવા માટે આ પ્રમાણે મૂર્તિઓનું રાજકારણ રમી રહ્યા છે.