હેલ્થ ટિપ્સ / શરીરનું હોર્મોનલ બેલેન્સ બગડવાને કારણે મહિલાઓની પ્રજનન ક્ષમતા પર પડે છે અસર, જાણો કેવી રીતે કરવું કંટ્રોલ

• શરીરનું હોર્મોનલ બેલેન્સ બગાડી શકે છે આ ભૂલો
• મહિલાઓને તેને કારણે ઘણી બધી સમસ્યાઓનો સામનો કરવો પડે
• ઘણી આદતો છે જે હોર્મોનલ લેવલને બેલેન્સ થવા દેતી નથી

મહિલાઓને હોર્મોન્સન ગરબડના કારણે ઘણી બધી સમસ્યાઓનો સામનો કરવો પડે છે. તેમાં સૌથી વધુ અસર તેમની પ્રજનન ક્ષમતા પર પડે છે. સાથે સાથે થાઇરોઇડ, મેદસ્વિતા, ફેશિયલ હેર જેવી પરેશાનીઓ ઉદ્ભવે છે. આવા સંજોગોમાં જરૂરી છે કે તમારી લાઇફસ્ટાઇલ અને ફૂડમાં થોડું પરિવર્તન લાવવું જોઇએ. ઘણી વખત હોર્મોનલ ઇમ્બેલેન્સની સમસ્યાને ઠીક થવામાં સમય લાગે છે. જેનું કારણ છે કે રોજિંદી લાઇફમાં થતી ગરબડ. જાણો કઇ આદતો છે જે હોર્મોનલ લેવલને બેલેન્સ થવા દેતી નથી.

હોર્મોનલ બર્થ કન્ટ્રોલ પિલ્સ
ઘણી બધી મહિલાઓ સિન્થેટિક હોર્મોન બર્થ કન્ટ્રોલ દવાઓનો ઉપયોગ કરે છે. આ કારણે શરીરમાં હોર્મોન્સનો સ્ત્રાવ યોગ્ય રીતે થતો નથી. શરીર પર તેના ઘણા નુકસાન જોવા મળે છે.

દવાઓનો સહારો
ઘણી બઘી મહિલાઓ જેને ડોક્ટર હોર્મોનલ બેલેન્સની સમસ્યા અંગે બતાવે છે તેઓ માત્ર દવાઓ પર ડિપેન્ડ રહે છે. જ્યારે હોર્મોનની ગરબડનો સીધો સંબંધ લાઇફસ્ટાઇલ અને ખાણી પીણીની આદતો સાથે છે. માત્ર દવાઓના સહારે તે નહીં થઇ શકે. યોગ્ય લાઇફસ્ટાઇલ અને ખાણી પીણીમાં પરિવર્તનની સાથે દવાઓ ખાવાથી હોર્મોનલ ઇબેલેન્સનો પ્રોબ્લેમ ઠીક કરી શકાય છે.

ધીરજ ન રાખવી
દરેકનું શરીર અલગ અલગ હોય છે. દરેકનું શરીર અલગ અલગ પ્રકારે રિસ્પોન્ડ કરે છે. કેટલાક લોકોને હોર્મોનલ ઇબેલેન્સની સમસ્યા જલદી ઠીક થઇ જાય છે, તો કેટલાક પેશન્ટની ટ્રીટમેન્ટમાં ટાઇમ લાગે છે. આવા સંજોગોમાં ઉતાવળ ન કરો. ધીરજ રાખો

સ્ટ્રેસ લેવલને મેનેજ કરો
વધુ સ્ટ્રેસ હોર્મોનનું સ્તર બગાડી શકે છે. તેથી તણાવને મેનેજ કરવો જરૂરી છે. કાર્ટિસોલનું વધુ પ્રોડક્શન પ્રોજેસ્ટ્રોનના લેવલને ઘટાડી દે છે. આ કારણે હોર્મોનલ ઇબેલેન્સની સમસ્યા થઇ શકે છે. તેથી સ્ટ્રેસ લેવલને મેનેજ કરો.