આવતા વર્ષે પાકિસ્તાનમાં ચેમ્પિયન્સ ટ્રોફી રમાશે. આમ તો આ વાત પાકિસ્તાન માટે મહત્ત્વની કહેવાય કેમ કે લાંબા સમય બાદ પાકિસ્તાનમાં કોઈ મોટી ટુર્નામેન્ટ રમવા જઈ રહી છે. પરંતુ આ ચેમ્પિયન્સ ટ્રોફીના કારણે પાકિસ્તાનને એક લોસ પણ થવા જઈ રહ્યો છે. ચેમ્પિયન્સ ટ્રોફીના કારણે તેમને પોતાની PSL એટલે કે પાકિસ્તાન સુપર લીગની તારીખો પાછળ ઠેલવી પડશે તેના કારણે PSLને નુકશાન થવાની સંભાવના છે.
આવતા વર્ષે IPL અને PSLની ટક્કર જોવા મળી શકે છે. કેમ કે પાકિસ્તાનમાં ફેબ્રુઆરીમાં ચેમ્પિયન્સ ટ્રોફી રમાશે. જેના કારણે પાકિસ્તાન તેની PSL મજબૂરીમાં પાછળ ધકેલવા જઈ રહ્યુ છે. PSL એપ્રિલ-મે મહિનામાં યોજાય તેવી સંભાવના છે જેથી તે IPLની સાથે રમાશે.
IPL અને PSL એક સાથે યોજાવાની હોવાથી વિદેશી ખેલાડીઓને મુશ્કેલી થઈ શકે છે, ખાસ કરીને તે પ્લેયરને જે બંને ટુર્નામેન્ટમાં રમે છે. ઉલ્લેખનીય છે કે, PSLમાં એન્ડ્રુ રસલ, રશીદ ખાન, સુનિલ નારાયણ, સિકંદર રજા, લ્યુક વુડ, શેમાર જોસેફ, ડેવિડ વિલી, રોવમેન પોવેલ, શેન રધરફોર્ડ, શાઈ હોપ જેવા પ્લેયર્સ જોવા મળ્યા હતા. આ પ્લેયર્સ માટે ચેલેન્જ ઊભી થઈ શકે છે કે તેઓ PSLમાં રમે કે IPLમાં? પરંતુ જાણકારોનો મત છે કે, આ પ્લેયર્સ PSL કરતા IPL જ રમવાનું પસંદ કરશે.
જો આ પ્લેયર્સ PSLની જગ્યાએ IPL રમશે તો તેની અસર PSLની વ્યૂઅરશિપ પર પણ પડશે. આ સિવાય PSL કરતા આઈપીએલની ગ્લોબલ ડિમાન્ડ વધુ છે. IPL દરેક ક્રિકેટ લિવિંગ નેશનમાં જોવામાં આવે છે. IPL અને PSLની મેચો શરૂ થવાનો સમય પણ એક સમાન છે. બંને લીગની મેચો સાંજે સાડા સાત વાગે શરૂ થાય છે. જેથી PSLની વ્યૂઅરશિપ ઘટે તેવી પૂરેપૂરી શક્યતા છે.
વધુ વાંચો: T20 વર્લ્ડકપ પર આતંકી હુમલાનું જોખમ! પાકિસ્તાનથી ધમકી અપાઇ હોવાનો ઘટસ્ફોટ, સુરક્ષામાં વધારો
ઉલ્લેખનીય છે કે વર્લ્ડમાં IPL સૌથી પોપ્યુલર અને મોંઘી ક્રિકેટ લીગ છે. જેથી તેની તારીખો સાથે બીજા દેશોના બોર્ડ ક્લેશ નથી કરતા. બીજા દેશોના બોર્ડો આઈપીએલની ટુર્નામેન્ટ રમવા પણ તેના પ્લેયર્સને મોકલે છે. જેમ કે હમણાં ન્યૂઝીલેન્ડની ટીમ પાકિસ્તાનના પ્રવાસે ગઈ છતાં વિલિયમસન, રચીન, બોલ્ટ જેવા પ્લેયર્સ અહીં ઇન્ડિયામાં હતા. આમ ચેમ્પિયન્સ ટ્રોફીના કારણે PSL પાછળ ઠેલાવાથી પાકિસ્તાન સુપર લીગને ભારે નુકશાન થઈ શકે છે.
