બેન્કિંગ ઈતિહાસની મોટી ચૂક / વિપ્રોના કર્મચારીઓએ એવી તે કઈ ભૂલ કરી કે સિટી બેન્કને લાગ્યો 66 અબજનો ચૂનો

આ કેસ કોસ્મેટિક કંપની રેવલોનની એક ટર્મ લોન સાથે સંબંધિત
બેન્કોએ રેવલોનને લોન આપનારને 78 લાખ ડોલરનું વ્યાજ આપવાનું થતું હતું. 
બેન્કે ભૂલથી 90 કરોડ ડોલર (લગભગ 66 અબજ રુપિયા) મોકલી દીધા. 

 આ કેસ કોસ્મેટિક કંપની રેવલોનની એક ટર્મ લોન સાથે સંબંધિત છે. રેવલોન સાથે જોડાયેલા લોન કેસમાં સિટી બેન્કને એડમિનિસ્ટ્રેટીવ એજન્ટ તરીકે નિયુક્ત કરાઈ હતી. બેન્કોએ રેવલોનને લોન આપનારને 78 લાખ ડોલરનું વ્યાજ આપવાનું થતું હતું. પરંતુ બેન્કે ભૂલથી 90 કરોડ ડોલર (લગભગ 66 અબજ રુપિયા) મોકલી દીધા. આ બેન્કિંગ ઈતિહાસની સૌથી મોટી ભૂલમાંની એક હતી.

સિટી બેન્કે રેવલોનના લોન એડમિનિસ્ટ્રેટિવ એજન્ટ તરીકે કામ કરીને 10 નાણાકીય કંપનીઓને 90 કરોડ ડોલર મોકલ્યાં હતા. આ કંપનીઓના સંઘે રેવલોનને ટર્મ લોન આપી હતી. હકીકતમાં સિટી બેન્કે તમને 78 લાખ ડોલરનું વ્યાજ આપવાનું નીકળતું હતું પરંતુ બેન્કે ભૂલથી 90 કરોડની મૂળ રકમ આ કંપનીઓને મોકલી દીધી. 

પરંતુ યક્ષ પ્રક્ષ તો હવે ખડો થયો લેન્ડર્સે આ પૈસા પાછા આપવાનો ઈન્કાર કરી દીધો અને છેવટે મામલો કોર્ટમાં પહોંચ્યો. કોર્ટે પણ જે લેન્ડર્સને સિટી બેન્કના પૈસા મળ્યાં છે તે તેના હકદાર છે તેવું કહીને મામલામાંથી હાથ છોડાવવાનો પ્રયાસ કર્યો. હવે સિટી બેન્ક પાસે આ ચુકાદાને પડકાર આપવા સિવાય બીજો કોઈ વિકલ્પ બચ્યો નથી. 

આ લેવડદેવડ સિટી બેન્કની સિક્સ આઈ પ્રોસીજરનું પસાર થયું હતું. તેની હેઠળ કોઈ પણ લેણદેણ કરતા પહેલા ત્રણ લોકો તેને રિવ્યુ અને અપ્રૂવ કરે છે. આ કેસમાં પહેલી પ્રોસેસ વિપ્રોના બે કર્મચારીઓએ કરી હતી.