સ્પોર્ટ્સ / શું T20 વર્લ્ડકપમાંથી કપાઇ જશે વિરાટ કોહલીનું પત્તું? ત્રીજા નંબરે આ બેટ્સમેનને BCCI આપી શકે છે તક

• T20 વર્લ્ડ કપ 2024 શરૂ થવામાં માત્ર થોડા મહિના જ બાકી છે 
• ટીમ ઈન્ડિયાના સ્ટાર ખેલાડી વિરાટ કોહલી T20 વર્લ્ડ કપ રમશે કે નહીં?
• T20 વર્લ્ડ કપમાં વિરાટ કોહલીની જગ્યા પર આ ખેલાડીને મળી શકે છે મોકો 

વેસ્ટ ઈન્ડિઝ અને અમેરિકામાં રમાનાર T20 વર્લ્ડ કપ 2024માં માત્ર થોડા મહિના જ બાકી છે. આ વર્લ્ડ કપ આવતા વર્ષે જૂનમાં શરૂ થવા જઈ રહ્યો છે અને આ ટુર્નામેન્ટ પહેલા તમામ ટીમોએ પોતપોતાની તૈયારીઓ શરૂ કરી દીધી છે. તે જ સમયે ટીમ ઈન્ડિયાના દિગ્ગજ ખેલાડી વિરાટ કોહલી T20 ફોર્મેટ રમશે કે નહીં એ હજુ સુધી નક્કી થઈ શક્યું નથી. 

Created from the three things that define T20I cricket – Bat, Ball, and Energy! 🤩

A striking new look for the ICC T20 World Cup 🏆 💥 ⚡️#T20WorldCup pic.twitter.com/kflsHr81eN

— ICC (@ICC) December 7, 2023

એ વાત તો બધા સ્વીકારે છે કે વિરાટ કોહલી વર્તમાન યુગમાં વિશ્વનો સર્વશ્રેષ્ઠ બેટ્સમેન છે. ટેસ્ટ હોય, ODI હોય કે T20 ફોર્મેટ દરેક ફોર્મેટમાં કોહલીએ શાનદાર પ્રદર્શન કર્યું છે. કોહલીએ વર્લ્ડ કપ 2023માં 765 રન બનાવ્યા હતા. આ વર્લ્ડ કપની એક એડિશનનો રેકોર્ડ છે. તેણે સચિન તેંડુલકરનો 673 રનનો 20 વર્ષ જૂનો રેકોર્ડ તોડ્યો. આ બધું હોવા છતાં, ટી-20 વર્લ્ડ કપ 2024ને લઈને વિરાટ કોહલીને લઈને જે સમાચાર આવી રહ્યા છે તે તેના લાખો ચાહકોને નિરાશ કરી શકે છે.

Replacing Virat Kohli with Ishan Kishan for the World Cup? It's like swapping a Ferrari for a Cycle. I can’t digest. 😅 pic.twitter.com/45t6lhp4dS

— Vipin Tiwari (@Vipintiwari952_) December 7, 2023

વર્લ્ડ કપ 2023 બાદ BCCIએ T20 વર્લ્ડ કપ 2024ની તૈયારીઓ શરૂ કરી દીધી છે. થોડા દિવસો પહેલા સમાચાર આવ્યા હતા કે T20 વર્લ્ડ કપમાં પણ રોહિત શર્મા ભારતીય ટીમની કેપ્ટનશિપ કરશે. હવે સોશિયલ મીડિયા પર એક સમાચાર ચાલી રહ્યા છે કે વિરાટ કોહલીને આગામી T20 વર્લ્ડ કપમાંથી બહાર રાખવામાં આવી શકે છે. તેના સ્થાને ત્રીજા નંબરે ટીમમાં અન્ય ખેલાડીને સામેલ કરવાની ચર્ચા ચાલી રહી છે.

વિરાટ કોહલીના સ્થાને ટી20 વર્લ્ડ કપમાં જે ખેલાડીને પ્લેઇંગ ઇલેવનમાં ત્રીજા નંબરે સામેલ કરવાની વાત કરવામાં આવી રહી છે તે છે વિકેટકીપર બેટ્સમેન ઇશાન કિશન. તેની પાછળ ઈશાનની આક્રમક બેટિંગ હોવાનું કહેવામાં આવી રહ્યું છે. અહેવાલો અનુસાર, BCCI આ મુદ્દે વિરાટ કોહલી સાથે બેઠક કરવા જઈ રહ્યું છે. જો કે આ વિશે કોઈ પણ સત્તાવાર જાહેરાત કરવામાં આવી નથી. 

Ishan Kishan at No.3 ? 🥲#ViratKohli𓃵 #viratkohli pic.twitter.com/yfwyxVMXz2

— 12th Khiladi (@12th_khiladi) December 7, 2023

ઇશાન કિશને ભારતીય ટીમ માટે કુલ 32 T20 મેચ રમી છે, જેમાં તેણે 25.67ની એવરેજ અને 124.37ની સ્ટ્રાઈક રેટથી કુલ 796 રન બનાવ્યા છે. ઉપરાંત, કિશન T20 વર્લ્ડ કપ 2021માં ભારતીય ટીમનો ભાગ હતો, જ્યાં તેને ન્યૂઝીલેન્ડ સામે માત્ર એક મેચ રમવાની તક મળી હતી, જેમાં તેણે ચાર રન બનાવ્યા હતા.

સાથે જ અહેવાલમાં એમ પણ કહેવામાં આવ્યું છે કે વિરાટ કોહલીની પસંદગી તેના પર વધુ નિર્ભર કરે છે કે તે IPL 2024માં કેવું પ્રદર્શન કરવા જઈ રહ્યો છે. ઉપરાંત BCCI ટૂંક સમયમાં જ કોહલી સાથે રમતના સૌથી ટૂંકા ફોર્મેટમાં તેના ભવિષ્ય અંગે ચર્ચા કરી શકે છે.