પંજાબ પોલિટિક્સ / પંજાબના 'સરદાર' કોણ બનશે? આવતીકાલે ફેંસલો, મુખ્યમંત્રી તરીકે 3 નામો ચર્ચામાં, જાણો કોણ

• આવતીકાલે સવારે 11 વાગ્યે ધારાસભ્ય દળની મોટી બેઠક
• મુખ્યમંત્રી તરીકે 3 નામો ચર્ચામાં
• સિદ્ધુ, સુનીલ જાખડ અને કુલજિત સિંહ નાગરાના નામ ચર્ચામાં

આવતીકાલે સવારે 11 વાગ્યે મળનારી ધારાસભ્ય દળની બેઠકમા નવા મુખ્યમંત્રીનું નામ નક્કી થશે. હાલના તબક્કે નવા મુખ્યમંત્રી તરીકે 3 નામોની ચર્ચા ચાલી રહી છે તેમાં પ્રદેશ કોંગ્રેસ અધ્યક્ષ નવજોત સિંહ સિદ્ધુ, પૂર્વ પ્રદેશ કોંગ્રેસ અધ્યક્ષ સુનીલ જાખડ અને કુલજિત સિંહ નાગરા સામેલ છે.

કોંગ્રેસ નવજોત સિંહ પર દાવ ખેલી શકે 

નવજોત સિંહ જ્યારથી કોંગ્રેસમાં આવ્યાં છે ત્યારથી તેમની અમરિન્દર સાથેની લડાઈ ચાલી રહી છે. હવે અમરિન્દરે રાજીનામું આપ્યું હોવાથી કોંગ્રેસ પાર્ટી મુખ્યમંત્રી તરીકે તેમની પસંદગી કરી શકે છે. 

કુલજીત સિંહ નાગરા પર પણ નજર

કોંગ્રેસ હાઈકમાન્ડ ફતેહગઢ સાહેબના ધારાસભ્ય કુલજીત સિંહ નાગરાને મુખ્યમંત્રી પદે બેસાડે તો નવાઈ નહીં. 

પંજાબ કોંગ્રેસની આંતરિક ખેંચતાણથી તંગ આવેલા હાઈકમાન્ડે સીએમ અમરિન્દરનું રાજીનામું માંગી લીધું છે અને સુનીલ જાખડને સીએમ બનાવવાનું હાઈકમાન્ડે નક્કી કર્યુંમ છે.

હાલમાં તો પંજાબ કોંગ્રેસના સિનિયર નેતા સુનીલ જાખડ મુખ્યમંત્રી તરીકેની રેસમાં સૌથી આગળ ચાલી રહ્યાં છે. 

કોણ છે સુનીલ જાખડ

સુનીલ જાખડ પંજાબ કોંગ્રેસના પૂર્વ અધ્યક્ષ છે. પ્રદેશ અધ્યક્ષ નવજોત સિંહ સિદ્ધુ અને જાખડ વચ્ચે ઘરોબો છે. નવજોત સિંહ સિદ્ધુ જાખડને  પોતાના મોટાભાઈ ગણાવે છે અને તેઓ ઘણા પ્રસંગે જાહેરમાં ગળે મળતા જોવા મળ્યાં હતા. તેઓ એકબીજાને જ્યારે પણ મળે છે ત્યારે ખૂબ જ ઉમળકાભેર તેમનું સ્વાગત કરે છે.