તમારા કામનું / MRP કરતાં ઊંચી કિંમતે દુકાનદાર સમાન વહેંચે છે તો એવી સ્થિતિમાં શું કરશો? આ રીતે નોંધાવો ફરિયાદ

• દરેક વહેંચાતી વસ્તુની એક MRP મહત્તમ છૂટક કિંમત નક્કી હોય છે 
• ઘણા લોકો MRP કરતા વધુ ભાવે સામાન વહેંચે છે 
• આવી સ્થિતિમાં દુકાનદાર સામે આ રીતે ફરિયાદ નોંધાવો 

આપણી જરૂરિયાત અનુસાર આપણે અલગ અલગ વસ્તુઓની ક્રીડિ કરી છીએ અને સરકારે કોઈપણ સામાન અને સેવાઓના વેચાણ માટે મહત્તમ છૂટક કિંમત (Maximum Retail Price) નક્કી કરી છે. પણ અઆપણે ઘણી વખત એવું જોયું હશે કે ઘણા દુકાનદારો ઘણી વસ્તુને તેની MRP કરતા વધુ કિંમતે વહેંચે છે અને આને લગતી ઘણી ફરિયાદો સમયાંતરે સામે આવતી રહે છે. ઘણી વખત તમે પણ જોયું હશે કે રેલવે સ્ટેશનો અથવા કોઈપણ ઢાબા કે દુકાનો પર પર MRP કરતા વધુ ભાવે સામાન વહેંચવામાં આવે છે . જ્યારે કોઈ દુકાનદાર તમને કોઈ વસ્તુ તેની MRP કરતા વધારે કિંમતે વહેંચે આવી સ્થિતિમાં તમે શું કરશો એ જાણવું હોય તો આ સમાચાર ખાસ તમારા માટે છે. કોઈ વસ્તુ અથવા સેવા MRP કરતા વધુ કિંમતે વહેંચતા જોવા મળે તો તમે તે દુકાનદાર સામે ફરિયાદ નોંધાવી શકો છો. ખાસ તમને જણાવી દઈએ કે ભારત સરકારે ઉપભોક્તા અધિકારોની સુરક્ષા માટે ઘણા નિયમોની જોગવાઈઓ કરી છે. ચાલો જાણીએ.. 

જો કોઈ દુકાનદાર MRP કરતા વધારે કિંમતે માલ કે સેવાઓ વેચતો જોવા મળે તો આ સ્થિતિમાં તેની સામે કડક કાર્યવાહી કરી શકો છો અને આમ કરવા પર દુકાનદારને દંડની સાથે સજા પણ થઈ શકે છે. 

જણાવી દઈએ કે મહારાષ્ટ્ર અને ઉત્તર પ્રદેશમાં MRP કરતાં વધુ ભાવે માલ અને સેવાઓ વેચવાની સૌથી વધુ ફરિયાદો છે. આ સિવાય દિલ્હી, પંજાબ, બિહાર, પશ્ચિમ બંગાળ, ઝારખંડ, ઓડિશા અને ગુજરાત વગેરે રાજ્યોમાંથી આને લગતા ઘણા મામલા બહાર આવતા રહે છે. 

જો ભવિષ્યમાં કોઈ દુકાનદાર તમને એ વસ્તુની MRPએટલે કે મહત્તમ છૂટક કિંમત કરતા વધારે કિંમતે માલ વહેંચાવની કોશિશ કરે ત્યારે તેને પાઠ ભણાવવા માટે તમારે તેના વિરુરધ ફરિયાદ કરવી જોઈએ. 

ફરિયાદ કરવા માટે નેશનલ કન્ઝ્યુમર હેલ્પલાઈન નંબર 1800-11-4000 પર કૉલ કરવો પડશે. આ નંબર પર તમે કોલ કરીને દુકાનદાર સામે ફરિયાદ નોંધાવી શકો છો જે MRP કરતા વધારે કિંમતે સામાન વેચે છે. આ સિવાય તમે Consumerhelpline.gov.in ની મદદ પણ લઈ શકો છો.