હાલ જાણો / ખબર પણ નહીં પડે અને આવી જશે સાયલન્ટ હાર્ટએટેક, પળમાં જતો રહેશે જીવ, જાણી લેજો બચવાના ઉપાય

• વધી રહ્યાં છે સાયલન્ટ હાર્ટ એટેકના કેસ
• ખબર પણ પડતી નથી અને જતો રહે છે જીવ
• સાયલન્ટ હાર્ટ એટેકથી બચવું જરુરી 

તાજેતરના સમયમાં હાર્ટ એટેક કે હાર્ટ ડિસિઝને કારણે મોતની ઘટનાઓમાં વધારો થઈ રહ્યો છે. પહેલા જ્યાં 50 વર્ષથી વધુ ઉંમરના લોકોને વધુ હાર્ટ એટેક આવતા હતા પરંતુ હવે 30 વર્ષ કે તેથી વધુ ઉંમરના લોકો પણ હાર્ટ એટેકથી મરી રહ્યાં છે. છેલ્લા કેટલાક વર્ષોમાં સાયલન્ટ હાર્ટ એટેકનું જોખમ પણ નોંધપાત્ર રીતે વધી ગયું છે. આવી સ્થિતિમાં, તે જાણવું ખૂબ જ મહત્વપૂર્ણ છે કે સાઇલન્ટ હાર્ટ એટેક શું છે અને તે સામાન્ય હાર્ટ એટેકથી કેટલું અલગ છે. ચાલો સાઇલન્ટ હાર્ટ એટેક સાથે જોડાયેલી તમામ મહત્વની બાબતો વિશે વિસ્તારથી જાણીએ.

સાયલન્ટ હાર્ટ એટેક એટલે શું?

સાયલન્ટ હાર્ટ એટેકને સાયલન્ટ ઇસ્કીમિયા તરીકે પણ ઓળખવામાં આવે છે. જ્યારે સાયલન્ટ હાર્ટ એટેક આવે છે, ત્યારે તેના કોઈ લક્ષણો પહેલા જોવા મળતા નથી. સામાન્ય રીતે છાતીમાં દુખાવો, શ્વાસ લેવામાં તકલીફ અને પરસેવો થવો જેવા લક્ષણો હાર્ટ એટેક આવે ત્યારે દેખાય છે, પરંતુ સાઇલન્ટ હાર્ટ એટેકમાં વ્યક્તિને આ બધી બાબતોનો અનુભવ થાય તે જરૂરી નથી. જ્યારે તમારા હૃદયને પૂરતો ઓક્સિજન ન મળે ત્યારે હાર્ટ એટેક આવે છે. સામાન્ય રીતે ધમનીઓમાં પ્લેક જમા થવાને કારણે હૃદય સુધી લોહી પૂરતા પ્રમાણમાં પહોંચતું નથી. ઘણા લોકો એવા છે જેમને ખબર નથી હોતી કે તેમને હાર્ટ એટેક આવ્યો છે. ઘણા કિસ્સાઓમાં, જ્યારે ડોકટરો તેમની તપાસ કરે છે ત્યારે ખબર પડે છે. ઇસીજીની સાથે સાથે બીજા પણ ઘણા ટેસ્ટ છે જેના દ્વારા સાઇલન્ટ હાર્ટ એટેકની જાણકારી મળી શકે છે. ઘણી વખત લોકો હાર્ટ એટેકના લક્ષણોને બીજી સમસ્યાના લક્ષણ તરીકે અવગણે છે.

ખબર વગર આવી શકે હાર્ટ એટેક 

ઘણી વખત વ્યક્તિને ખબર પણ હોતી નથી અને હાર્ટ એટેક આવી જાય છે આવા કિસ્સામાં તેનું મોત પણ થઈ જાય છે. જ્યારે સાયલન્ટ હાર્ટ એટેક આવે છે, ત્યારે તેના લક્ષણો કાં તો ખૂબ હળવા હોય છે અથવા તો બિલકુલ દેખાતા નથી. આ સ્થિતિમાં, હૃદયમાં જતા લોહીનો પ્રવાહ થોડા સમય માટે અવરોધિત થાય છે, જે હૃદયના સ્નાયુઓને નુકસાન પહોંચાડે છે.

સાયલન્ટ હાર્ટ એટેકનું સૌથી વધુ જોખમ કોને
ઉત્તર પ્રદેશના જાણીતા સિનિયર ફિઝિશ્યન કન્સલ્ટન્ટ એમ.ડી.કલીમ અહમદે જણાવ્યું હતું કે સામાન્ય હાર્ટ એટેકમાં છાતીમાં ખૂબ જ દુખાવો થાય છે, જ્યારે સાઇલન્ટ હાર્ટ એટેકમાં આવા કોઇ લક્ષણો જોવા મળતા નથી. ડો.અહમદ કહે છે કે ડાયાબિટીઝ અને મોટી ઉંમરના લોકોમાં સાયલન્ટ હાર્ટ એટેકનું જોખમ ખૂબ વધારે હોય છે. તેમણે કહ્યું કે ઘણા લોકો એવા છે જે એસિડિટી અથવા અન્ય કોઈ સમસ્યાના લક્ષણો તરીકે હાર્ટ એટેકના લક્ષણોને અવગણે છે.

સાયલન્ટ હાર્ટ એટેકના લક્ષણો

ડો.કલીમ અહેમદે જણાવ્યું હતું કે સામાન્ય રીતે સાયલન્ટ હાર્ટ એટેકમાં કોઇ લક્ષણો જોવા મળતા નથી, પરંતુ બહુ ઓછા કિસ્સામાં સાઇલન્ટ હાર્ટ એટેક આવે તે પહેલાં વ્યક્તિને શ્વાસની તકલીફનો સામનો કરવો પડી શકે છે. ઊલટાનું સામેના હાર્ટ એટેકમાં છાતીમાં સખત દુખાવો, શ્વાસની તકલીફ, ડાબા હાથમાં પરસેવો અને દુખાવો અને જડબામાં દુખાવો થવાની સમસ્યા રહે છે.

સાયલન્ટ હાર્ટ એટેકના મુખ્ય કારણો 
ડો.કલીમ અહેમદે જણાવ્યું હતું કે, કોલેસ્ટ્રોલ આપણા શરીરમાં જોવા મળે છે, જે મીણ જેવો પદાર્થ છે. જ્યારે શરીરમાં કોલેસ્ટ્રોલનું સ્તર વધવા લાગે છે, ત્યારે તે ધમનીઓમાં જમા થવા લાગે છે જેને કારણે હૃદયમાં લોહી અને ઓક્સિજનનો પ્રવાહ અવરોધવા લાગે છે. 

મેદસ્વીપણું
ધુમ્રપાન
બિનઆરોગ્યપ્રદ જીવનશૈલી
તણાવ
ઊંઘનો અભાવ હાઈ બ્લડ પ્રેશર
કસરત ન કરવી
વધારે કોલેસ્ટ્રોલ

સાયલન્ટ હાર્ટ એટેકના જોખમને ટાળવાના ઉપાય 
ડો.કલીમ અહેમદે જણાવ્યું હતું કે સાયલન્ટ હાર્ટ એટેકના જોખમથી બચવા માટે જરૂરી છે કે તમે સમયાંતરે ચેકઅપ કરાવતા રહો, રોજની કસરત અને સંપૂર્ણ ઊંઘની સાથે સ્ટ્રેસ પણ ન લો. આ સિવાય એ પણ જરૂરી છે કે તમે બ્લડ પ્રેશર અને કોલેસ્ટ્રોલ લેવલને કંટ્રોલમાં રાખો અને શરીરમાં કોઈ પણ પ્રકારના લક્ષણોને નજરઅંદાજ કરવાને બદલે ડોક્ટરનો સંપર્ક કરો.