VIDEO / આ ગુજરાતી યુવકે બોલિવૂડ જ નહીં હોલિવૂડની ફિલ્મોનું પણ બનાવ્યું છે સ્ટોરી બોર્ડ

• પ્રિ પ્રોડક્શન, પ્રોડક્શન અને પોસ્ટ પ્રોડક્શન
• સ્ટોરી બોર્ડ છે ફિલ્મી દુનિયાનું મહત્વપૂર્ણ અંગ 
• ગુજરાતી યુવક કરે છે બોલિવૂડ ફિલ્મોમાં કામ 

સુપરહિટ એક્ટર અક્ષય કુમારની બોસ, સિંગ ઇસ બ્લિંગ, કેસરી સહિતની બોલિવૂડની 16 કરતાં પણ વધારે ફિલ્મોમાં મહત્વની ભૂમિકા ભજવનાર ગુજરાતી યુવક સતીશ પટેલને મળો. સતીશ પટેલે આ બધી ફિલ્મોમાં ખૂબ અગત્યની ભૂમિકા ભજવી છે. કારણ કે તેઓ બૉલીવુડ માં સ્ટોરી બોર્ડ આર્ટિસ્ટ તરીકે કામ કરે છે. સ્ટોરી બોર્ડ આર્ટિસ્ટ શબ્દ સાંભળી ને આપને થયું હશે કે વળી આવું શુ? કોઈ પણ ફિલ્મને તૈયાર કરવા માટે એના ત્રણ તબક્કા હોય છે, પ્રિ પ્રોડક્શન, પ્રોડક્શન અને પોસ્ટ પ્રોડક્શન, જેમાં સૌથી પહેલું અને મહત્વનું કામ પ્રિ પ્રોડક્શનમાં થાય છે. જેમાં સમગ્ર ફિલ્મનું આયોજન કરાય છે.

એક ફિલ્મમાં ૧૫૦૦થી ૨૦૦૦ ચિત્ર

છેલ્લા કેટલાક વર્ષોમાં પ્રિપ્રોડક્શન માં સ્ટોરી બોર્ડનો સમાવેશ થયો છે. જેમાં જે તે ફિલ્મના પ્રથમથી લઈને અંતિમ સુધીના તમામ કેમેરા એન્ગલ સૂટ કરતા પહેલા ચિત્રના રૂપમાં તૈયાર કરવામાં આવે છે. એક ફિલ્મમાં ૧૫૦૦થી ૨૦૦૦ ચિત્ર તૈયાર કરવામાં આવે છે, જેને સ્ટોરી બોર્ડ આર્ટિસ્ટ તરીકે ઓળખવામાં આવે છે. અમદાવાદના સતીશ પટેલ બોલિવૂડની 15 કરતાં પણ વધારે ફિલ્મોમાં કામ કરી ચૂક્યા છે જેમાં અક્ષય કુમારની અને રણબીર કપૂરની ફિલ્મો પણ સામેલ છે.

ફિલ્મનું બજેટ પણ નિયંત્રણમાં રહેતું હોવાનું સ્ટોરીબોર્ડ આર્ટિસ્ટ જણાવે છે  

ફિલ્મના વિચાર અને સ્ક્રિપ્ટ બાદ એ ફિલ્મ કેવીરીતે તૈયાર થશે એ કામ એક સ્ટોરીબોર્ડ આર્ટિસ્ટ કરે છે.. બોલીવુડ ની ફિલ્મો અને એમાં પણ અક્ષયકુમારની ફિલ્મોના કેમેરા સીન કેવા હશે?કયા એન્ગલ થી ફિલ્મ ને શૂટ કરવામાં આવશે તે સહિતનું કામ સ્ટોરી બોર્ડ આર્ટિસ્ટ કરે છે.. આપને દ્રશ્યોમાં સ્પષ્ટ જોવા મળી રહ્યું છે કે રીયલ ફિલ્મની અંદર જે એન્ગલ થી કૅમેરા શૂટ કરવામાં આવ્યું છે, એ જ પ્રકારનું ચિત્રો બોર્ડ આર્ટિસ્ટે તૈયાર કર્યા છે, અને એ જ પ્રકારે પછી ડિરેક્ટર ફિલ્મનું શૂટિંગ કરાવતા હોય છે, પહેલાથી આયોજન યોગ્ય રીતે થવાને કારણે ફિલ્મનું બજેટ પણ નિયંત્રણમાં રહેતું હોવાનું સ્ટોરીબોર્ડ આર્ટિસ્ટ જણાવે છે. 
  
હોલિવૂડને પણ બે ફિલ્મો નો સમાવેશ

સતીશ પટેલ મૂળ મહેસાણા જિલ્લાના છે, જોકે તેમનો અભ્યાસ અમદાવાદની સીએન ફાઇન આર્ટ્સ કોલેજ માંથી પૂર્ણ કર્યો છે, અને ત્યારબાદ મુંબઈમાં બોલિવૂડની ફિલ્મોમાં સ્ટોરી બોર્ડ આર્ટિસ્ટ તરીકે કામ કરી રહ્યા છે, અત્યાર સુધી 17 કરતાં પણ વધારે ફિલ્મોમાં કામ કર્યું છે જેમાં હોલિવૂડને પણ બે ફિલ્મો નો સમાવેશ થાય છે.