ક્રિકેટ / IPLમાંથી RCB બહાર થયા બાદ વિરાટ કોહલીની પહેલી પોસ્ટ, મેસેજ વાંચી ફેન્સ થયા ગદગદ

RCBને હવે IPL જીતવા માટે વધુ એક વર્ષ રાહ જોવી પડશે. ટૂર્નામેન્ટમાંથી બહાર થયા બાદ વિરાટ કોહલીએ પહેલીવાર સોશિયલ મીડિયા પર કેટલીક પોસ્ટ શેર કરી છે. પોતાના ઈન્સ્ટાગ્રામ એકાઉન્ટ પર ટીમનો ફોટો પોસ્ટ કરતી વખતે તેણે ચાહકો માટે હૃદય સ્પર્શી સંદેશ લખ્યો છે. રોયલ ચેલેન્જર્સ બેંગ્લોરે IPL 2024 ના પ્લેઓફમાં ચેન્નાઈ સુપર કિંગ્સને હરાવીને પ્લેઓફમાં જગ્યા બનાવી લીધી હતી, પરંતુ રાજસ્થાન રોયલ્સે તેમને એલિમિનેટરમાં હરાવીને ટ્રોફી જીતવાનું સપનું તોડી નાખ્યું હતું.

વિરાટ કોહલીએ ફેન્સ માટે શું લખ્યું?

રોયલ ચેલેન્જર્સ બેંગ્લોરની ટીમનો ફોટો પોસ્ટ કરતી વખતે વિરાટ કોહલીએ કેપ્શનમાં લખ્યું, આરસીબીના તમામ પ્રશંસકોનો ફરી એકવાર આભાર કે અમને હંમેશની જેમ પ્રેમ અને પ્રશંસાનો અનુભવ કરાવવા માટે. તમને જણાવી દઈએ કે આ પહેલા RCBના 'X' પર પોસ્ટ કરવામાં આવેલા વીડિયોમાં કોહલીએ પણ પ્રશંસકોના સમર્થન માટે આભાર માન્યો હતો. કોહલીએ ટીમના પ્રદર્શનની પણ પ્રશંસા કરી હતી.

વિરાટ સૌથી વધુ રન બનાવનાર ખેલાડી

આઈપીએલની વર્તમાન સિઝનમાં વિરાટ કોહલીના બેટ બોલરો પર છવાયેલા છે. તે એકમાત્ર એવો બેટ્સમેન છે જે 700 રનના આંકડાને સ્પર્શવામાં સફળ રહ્યો છે. કોહલીએ IPL 2024માં 741 રન બનાવ્યા છે. આ દરમિયાન તેના બેટમાંથી 1 સદી અને 5 અડધી સદી પણ જોવા મળી હતી. આ રન સાથે કોહલીએ IPLમાં 8000 રનનો આંકડો પણ પૂરો કર્યો જે અન્ય કોઈ બેટ્સમેન કરી શક્યો નથી. IPLમાં કોહલીના 8004 રન છે. આ બાબતમાં તેની આસપાસ કોઈ નથી.

વધુ વાંચો : MS ધોની IPL 2025માં ચેન્નાઈ સુપર કિંગ્સ માટે રમશે? ટીમના CEOએ આપ્યો જવાબ

T20 વર્લ્ડ કપમાં જોવા મળશે

વિરાટ કોહલી હવે આવતા મહિને શરૂ થઈ રહેલા T20 વર્લ્ડ કપમાં એક્શનમાં જોવા મળશે. ICCની આ ઇવેન્ટમાં પણ ચાહકો કોહલીના IPL 2024ના ફોર્મની આશા રાખી રહ્યા છે. રોહિત શર્માના નેતૃત્વમાં T20 વર્લ્ડ કપ રમવા જઈ રહેલી ભારતીય ટીમ 5 જૂને આયર્લેન્ડ સામે પોતાના અભિયાનની શરૂઆત કરશે. આ પછી 9મી જૂને પાકિસ્તાનનો ભારત સામે મુકાબલો થવાનો છે. બધા આ મેચની રાહ જોઈ રહ્યા છે.