અયોગ્ય હરકત / VIDEO : ક્લાસરુમમાં 10માની છોકરીઓ વચ્ચે 'જામી', એકબીજાના વાળ ખેંચીને પટકી પટકીને મારી

• યુપીના કાનપુરની પ્રાઈવેટ સ્કૂલમાં છોકરીઓનો કાંડ
• ક્લાસરુમાં ત્રણ છોકરીઓ બાઝી પડી
• એકબીજાના વાળ ખેંચ્યાં, કરી મારામારી

યુપીના કાનપુરની એક પ્રાઈવેટ સ્કૂલમાં છોકરીઓ વચ્ચે મારામારીનો એક વીડિયો વાયરલ થયો છે. આ ઘટના ખૂબ શરમજનક છે. વાલીઓ સંતાનોને ભણવા માટે સ્કૂલે મોકલે છે તેમ છતાં પણ કેટલાક નજીવી બાબતે મારામારી પર ઉતરી જાય છે અને વાલી તથા સ્કૂલનું નામ ખરાબ કરતા હોય છે. 

કાનપુરની પ્રાઈવેટ સ્કૂલની શરમજનક ઘટના 
કાનપુરની એક પ્રાઈવેટ સ્કૂલમાં ત્રણ ચાર છોકરીઓ વચ્ચે કોઈ બાબતે મોટો વિવાદ થયો હતો અને પછી તેમણે એવું દંગલ મચાવ્યું હતું કે જોનારા આભા બની જાય. ત્રણ ચાર છોકરીઓ એકબીજાના વાળ ખેંચીને બેન્ચ પર પટકતી અને એકબીજા સાથે મારામારી કરતી જોવા મળી હતી. એક તબક્કે તો એવું લાગતું હતું કે કોણ કોના વાળ ખેંચે છે અને કોને મારે છે. આ શરમજનક ઘટના બની ત્યારે ક્લાસરુમમાં ટીચર હાજર નહોતા.  વાઈરલ થયેલી ક્લિપમાં યુવતીઓ તેમને વાળથી ખેંચીને ખેંચીને, ક્યારેક એકબીજાને મુક્કા મારીને અને ધક્કા મારીને પોતાનો ગુસ્સો ઠાલવી રહી છે. 

कानपुर के एक पब्लिक स्कूल का वीडियो वायरल
क्लास रूम में छात्राओं में हुआ दे दना दन
तेजी से वीडियो हो रहा है वायरल
क्लास 10th की बताई जा रही है छात्राएं#kanpur #schoolfight pic.twitter.com/hBS4DxxrwG

— ऋषभ वीरेन्द्र दीक्षित (@RishabhDixit57) August 27, 2022

સ્કૂલ ગર્લ્સની ફાઈટનો વીડિયો વાયરલ 
સ્કૂલ ગર્લ્સ વચ્ચેની આ જબરદસ્ત લડાઈનો વીડિયો સોશિયલ મીડિયાના અલગ અલગ પ્લેટફોર્મ પર સતત વાયરલ થઈ રહ્યો છે. ટ્વિટર પર ઋષભ દીક્ષિત નામના એક યૂઝરે દાવો કર્યો છે કે આ વીડિયો કાનપુરની એક પબ્લિક સ્કૂલનો છે. જ્યાં 10માં ધોરણની 3 છોકરીઓ એકબીજા સાથે બાખડી હતી. લોકોએ આ ઘટનાનો વીડિયો ખૂબ જોયો હતો જોકે કેટલાક લોકોએ આ ઘટના પર ભારે આઘાત વ્યક્ત કર્યો હતો અને વાલીઓને ફરિયાદ કરી હતી.