ગાઈડલાઈનનો ભંગ / વલસાડમાં ભાજપ નેતાના ઘરે લગ્નમાં કોરોના ગાઈડલાઈના ઉડ્યા ધજાગરા, સમગ્ર મામલે પોલીસ અજાણ

• વલસાડમાં ભાજપ નેતાના ઘરે કોરોના પ્રોટોકોલનો ભંગ 
• ભાજપ નેતાના ઘરે લગ્ન પ્રસંગમાં મોટી સંખ્યામાં લોકો એકઠા થયા 
• મોટી સંખ્યામાં  લોકો ડીજેના તાલે ઝૂમ્યા છતા પોલીસ અજાણ 

થોડાક સમય પહેલા વલસાડમાં કર્ફ્યુના સમયે એક લગ્નના આયોજનને લઈને વલસાડ પોલીસ દ્વારા આકરા પગલા લેવામાં આવ્યા હતા. જેમા નવ દંપત્તિને લગ્નની પહેલી રાત પોલીસ સ્ટેશનમાં વિતાવવી પડી હતી કારણકે તેમણે કોરોનાની ગાઈડલાઈનનો ભંગ કર્યો હતો. આ મામલે લોકોમાં રોષનો માહોલ પણ જોવા મળ્યો હતો. 

ગાઈડલાઈનના ઉડ્યા ધજાગરા 

જોકે હવે વલસાડમાં ફરી કોરોના ગાઈડલાઈનના ભંગનો એક કેસ સામે આવ્યો છે. જેમા ભાજપ નેતા દ્વારાજ કોરોનાની ગાઈડલાઈનના ધજાગરા ઉડાવામાં આવ્યા છે. જેના કારણે આ મુદ્દો હવે ચર્ચાનું કેન્દ્ર બની ગયો છે. જોકે આ સમગ્ર મામલે વલસાડ પોલીસ હજું અજાણ છે. 

હાઈવે પર મોટી સંખ્યામાં લોકો ડીજેના તાલે ઝૂમ્યા 

વલસાડમાં પારડી તાલુકાના યુવા મોરચાના ઉપપ્રમુખ ડેગીશ આહીરના ઘરે લગ્ન હતા. જેમના લગ્ન પ્રસંગમાં મોટી સંખ્યામાં લોકો એકઠા થયા હતા. સાથેજ આ લગ્ન મોટી સંખ્યામાં લોકો નાચતા જોવા મળ્યા છે. જ્યા કોરોના ગાઈડલાઈનના લીરેલીરા ઉડી રહ્યા હતા. નેશનલ હાઈવે નંબર 48ના સર્વિસ રોડ પર વરઘોડો નિકળ્યો છે. 

સમગ્ર મામલે વલસાડ પોલીસ અજાણ 

ઉલ્લેખનીય છે કે આ સમગ્ર મામલે ચોંકાવનારી વાત એ છે કે હાઈવે પર વરઘોડો નિકળ્યો તેમ છતા વલસાડ પોલીસને આ વીશે કોઈ ખ્યાલજ નથી. જ્યારે થોડાક દિવસ પહેલાજ વલસાડ પોલીસે એક નવ દંપત્તિને કોરોના ગાઈડલાઈનના ભંગને લઈ પહેલીજ રાત પોલીસ સ્ટેશનમાં રાખ્યા હતા. પરંતુ હવે જ્યારે ભાજપ નેતાઓના ઘરે ગાઈડલાઈનનો ભંગ થાય છે ત્યારે વલસાડ પોલીસ અજાણ છે.