ક્રિકેટ / હા, સ્વાર્થી છે વિરાટ...: કોહલીના રેકોર્ડને લઈને સોશ્યલ મીડિયા ટ્રોલિંગની વચ્ચે ભારતના પૂર્વ ખેલાડીએ આપ્યો કડક જવાબ

• પૂર્વ ભારતીય ખેલાડી વેંકટેશ પ્રસાદનું નિવેદન
• ટ્વીટર પર લખ્યું, 'હા, કોહલી સ્વાર્થી છે'
• વેંકટેશ પ્રસાદે કોહલીનું સમર્થન કર્યું

રવિવારે કોહલીએ સચિન તેંડુલકરની 49 વનડે સદીનાં રેકોર્ડની બરાબરી કરી. તેમણે પોતાના 35માં જન્મદિવસ પર 121 બોલમાં 101* રન બનાવ્યાં જેનાથી ભારતને દક્ષિણ આફ્રીકાની સામે પહેલા બેટિંગ કરતાં પાંચ વિકેટનાં નુક્સાન પર 326 રનનો સ્કોર બનાવ્યો. આ બાદ ભારતીય બોલર્સે દક્ષિણ આફ્રીકાને 27.1 ઓવરમાં 83 રન પર સમેટી દીધું. પ્રસાદે પોતાના X હેન્ડલ પર એક પોસ્ટમાં કોહલીનાં વખાણ કરતાં કહ્યું કે,' તેઓ ખરેખર સ્વાર્થી છે.' 

Hearing funny arguments about Virat Kohli being Selfish and obsessed with personal milestone.
Yes Kohli is selfish, selfish enough to follow the dream of a billion people, selfish enough to strive for excellence even after achieving so much, selfish enough to set new benchmarks,… pic.twitter.com/l5RZRf7dNx

— Venkatesh Prasad (@venkateshprasad) November 6, 2023

આલોચકોએ વિરાટની બેટિંગ પર કમેન્ટ કરી
કોહલીએ પોતાની શાનદાર ઈનિંગ માટે ખૂબ વાહવાહી મેળવી. જો કે કેટલાક લોકો તેના પર સ્વાર્થી હોવાનો આરોપ લગાડી રહ્યાં છે. અને બોલી રહ્યાં છે કે વિરાટ પોતાના ફાયદા માટે રમી રહ્યાં છે. આલોચકોએ કહ્યું કે ઈનિંગ્સનાં અંતમાં વિરાટ સદી ફટકારવા માટે સ્લો બેટિંગ કરી રહ્યાં હતાં.

વેંકટેશ પ્રસાદે કોહલીનું સમર્થન કર્યું
જો કે વેંકટેશ પ્રસાદે કોહલીનું સમર્થન કરતાં વેંકટેશ પ્રસાદે પોતાના એક્સ હેન્ડલ પર લખ્યું કે વિરાટ કોહલીનાં સ્વાર્થી હોવા અને પોતાની ઉપલબ્ધીઓને લઈને જુનૂની છે તેવી કંઈક મજેદાર વાતો હું સાંભળી રહ્યો છું. હા, કોહલી સ્વાર્થી છે અને એક અરબ લોકોનાં સપનાને ધ્યાનમાં રાખવા અને તેને પૂરાં કરવા માટે તે સ્વાર્થી છે. કોહલી એટલા સ્વાર્થી છે કે આટલું બધું મેળવ્યાં પછી પણ દરેક મેચમાં તે ઉત્કૃષ્ટ પ્રદર્શન કરવાનો પ્રયાસ કરે છે. યુવાનો માટે નવા બેંચમાર્ક સ્થાપિત કરવા માટે તે સ્વાર્થી છે.  પોતાની ટીમની જીત સુનિશ્ચિત કરવા માટે પણ તેઓ સ્વાર્થી છે. હા, કોહલી સ્વાર્થી છે.