ઉત્તર પ્રદેશ / આઝમગઢમાં મહિલાઓ શાહીનબાગ જેવું કરવા માંગતી હતી, પોલીસે લાઠીચાર્જ કરતા ટોળું વિખેરાયુ

• આઝમગઢમાં મહિલાઓ શાહીન બાગ બનાવવા માંગતી હતી
• પોલીસ તેમને રોકવા ગઈ તો મહિલાઓએ પથ્થર મારો કર્યો 
• પોલીસે બળ પ્રયોગ કરી તેમને હટાવી

આઝમગઢમાં મહિલાઓ શાહીન બાગવાળી કરવા માંગતી હતી

આઝમગઢના બિલરિયાગંજ પોલીસ સ્ટેશન વિસ્તારમાં જોહર પાર્કમાં એનઆરસી  અને CAAની વિરોધમાં મહિલાઓ દિલ્હીનાં શાહીન બાગની જેમ મોટી સંખ્યામાં એકઠી થઈને વિરોધ પ્રદર્શન કરી રહી હતી. ધીરે ધીરે આ પ્રદર્શન વધતા મહિલાઓ અને વિદ્યાર્થીઓએ રસ્તા જામ કરવાનું શરુ કર્યું હતું. જેને રોકવા માટે પોલીસે તેમને મનાવીને પાછા જોહર પાર્કમાં મોકલી દીધા.

પોલીસ તેમને ખદેડવા ગઈ તો તેમણે પથ્થર મારો કર્યો

પોલીસે મહિલાઓને અનેકવાર અપીલ કરી પરંતુ તેઓ વાત ન માનતા સવારે 4 વાગે પોલીસે હળવો બળ પ્રયોગ કરી મહિલાઓને પાછી મોકલવા પ્રયાસ કર્યો. જેના કારણે ભીડે પથ્થર મારો કર્યો હતો. આ હુમલાને રોકવા તથા તેનાથી બચવા પોલીસે વળતો લાઠીચાર્જ કર્યો અને ટિયર ગેસનાં સેલ છોડ્યાં હતા. તેમજ રબડ ગોળીનો પણ ઉપયોગ કર્યો. જોત જોતામાં ભીડ વિખેરાઈ ગઈ અને અહીં ભાગદોડ મચી ગઈ હતી. જોત જોતામાં બિલરિયાગંજના જોહર પાર્કને સંપૂર્ણ ખાલી કરી દેવામાં આવ્યો હતો.

પૂર્વ રાજ્યપાલ સામે ગુનો દાખલ

ઉલ્લેખનીય છે કે ઉત્તર પ્રદેશના પૂર્વ રાજ્યપાલ અજીજ કુરૈશી અને સાત અન્ય લોકોની વિરુદ્ધ CAAના વિરોધમાં એકઠા થઈને પરવાનગી વગર કેન્ડલ માર્ચ કરી સીઆરપીસી કલમ 144 હેઠળ ગુનો દાખલ કરવામાં આવ્યો છે.