ચોંકાવનારૂ / સુહાગરાતના બેડ પર મળી દુલ્હા-દુલ્હનની લાશ, પોસ્ટ મોર્ટમ રિપોર્ટમાં ચોંકાવનારો ખુલાસો, એક ચિતા પર અપાઈ મુખાગ્નિ

• ઉત્તર પ્રદેશના બહરાઈચમાં સુહાગરાતના બીજા દિવસે વરકન્યાનું મોત
• પોસ્ટ મોર્ટમ રિપોર્ટમાં સામેં આવ્યું કારણ
• દંપતિનું મૃત્યુ હાર્ટ એટેકથી થયુ હોવાનું જાણવા મળ્યું

ઉત્તર પ્રદેશના બહરાઈચમાં ચકચારી ઘટના સામે આવી છે. જેમાં સુહાગરાતની સવારે બેડ પર વર અને કન્યાના મૃતદેહ મળી આવતા પરિવારજનોમાં અરેરાટી મચી જવા પામી હતી. બીજી બાજુ આ ઘટનાની જાણ થતા જ સ્થાનિક પોલીસ દોડી આવી હતી. બીજી બાજુ આજુબાજુના વિસ્તારવાસીઓ દોડી આવ્યા હતા. સ્થાનિક પોલીસે બનેં મૃતદેહને પોસ્ટમોર્ટમ અર્થે ખસેડતા રિપોર્ટમાં ચોંકાવનારી બાબત પ્રકાસમાં આવી છે. પોસ્ટ મોર્ટમ રિપોર્ટમાં સામેં આવ્યું કે દંપતિનું મૃત્યુ હાર્ટ એટેકથી થયુ હોવાનું જાણવા મળ્યું હતું. બાદમાં પરિજનો દ્વારા નવપરિણીત યુગલને એક જ ચિતા પર એક સાથે અગ્નિદાહ આપવામાં આવ્યો હતો.

લગ્નના બીજા જ દિવસે હનીમૂનના પલંગ પર વર-કન્યા બંનેનું એક સાથે હાર્ટ એટેકથી મોત#uttarpradesh #marriage #couple #heartattack #vtvcard #vtvgujarati pic.twitter.com/P7c7ZHCUwC

— VTV Gujarati News and Beyond (@VtvGujarati) June 4, 2023

આનંદનો અવસર માતમમાં છવાયો

આ કિસ્સાની વિગત એવી છે કે જિલ્લાના કૈસરગંજ પોલીસ સ્ટેશન વિસ્તાર હેઠળ આવતા ગોધિયા નંબર ચાર ગામના 22 વર્ષીય યુવાન પ્રતાપ યાદવનો 30 મે 2023ના રોજ પુષ્લપા સાથે લગ્નનો મંગલ પ્રસંગ ઉજવાય રહ્યો હતો. આ દરમિયાન પરિવારજનોમાં ખુશીનો માહોલ હતો. લગ્નને લઈને મહિલાઓ મંગલ ગીતો ગાઈ રહી હતી. બંનેના સ્વાગત બાદ મોડી રાત સુધી ઉજવણી ચાલુ હતી.

બેનના મોત મામલે પરિવારજનો સમજી ન શક્યા

લગ્નની જબરદસ્ત ઉજવણી બાદ બીજા દિવસે બંનેના મૃતદેહ હનીમૂનના પલંગ પરથી મળી આવતા ચકચાર મચી જવા પામી હતી. બંનેના મૃતદેહને કબજે કરીને પોસ્ટમોર્ટમ કરાવ્યું. બંનેનું મૃત્યુ કેવી રીતે થયું તે સંબંધીઓ સમજી શક્યા ન હતા. આ અચાનક બનેલી ઘટનાનું કારણ જાણી શકાયું નથી.