રહસ્યમય / હનુમાન દાદાના 1000 વર્ષ જૂના મંદિરમાં પ્રસાદ પાછળ ફેંકી દેવાની અનોખી માન્યતા, જાણો રોચક કારણ

• ભારતનું પ્રાચીન મેહંદીપુર બાલાજી મંદિર રહસ્યો અને ચમત્કારોથી વિશ્વપ્રખ્યાત
• મેહંદીપુર બાલાજી મંદિર રાજસ્થાનના દૌસા જિલ્લા નજીક સ્થિત
• આ મંદિરમાં દર્શન કરવાથી ભૂત-પ્રેતની અડચણોમાંથી મળે છે મુક્તિ

માન્યતા છે કે મંદિરમાંથી મળતો પ્રસાદ ઘરે લઇ જવાની મનાઈ છે. તો ચાલો આજે અમે તમને આ પ્રસિદ્ધ મંદિર સાથે જોડાયેલી કેટલીક ખાસ માન્યતાઓ જણાવીએ...

મેહંદીપુર બાલાજી મંદિર

મેહંદીપુર બાલાજી મંદિર રાજસ્થાનના દૌસા જિલ્લા નજીક આવેલુ છે. આ મંદિર 2 પહાડોની વચ્ચે આવેલુ છે, જે જોવામાં ખૂબ વિચિત્ર લાગે છે. કહેવાય છે કે બાલાજી મંદિરના દર્શન કરવાથી ભૂત-પ્રેતની અડચણોમાંથી મુક્તિ મળે છે. આ મંદિરમાં પ્રેતરાજ સરકાર અને ભૈરવબાબા એટલેકે કોતવાલ કેપ્ટનની મૂર્તિ સ્થાપિત છે. ધાર્મિક માન્યતાઓ મુજબ, કોઈની ઉપર ભૂત-પ્રેતનો ઓછાયો હોવાથી કીર્તન કરીને તેને દૂર કરી શકાય છે. દરરોજ બે લોકોને લાવવામાં આવે છે. આ સાથે એક અલગ માન્યતા છે કે મંદિરમાં મળતો પ્રસાદ ઘરે ના લઇ જઇ શકો.

1000 વર્ષ જૂનું મંદિર 

માનવામાં આવે છે કે બાલાજીનું આ મંદિર અંદાજે 1000 હજાર વર્ષ જૂનુ છે. મંદિરમાં સ્થાપિત બાલારૂમ હનુમાનજીની મૂર્તિ કોઈના દ્વારા બનાવવામાં આવી નથી. પરંતુ આ સ્વયંભૂ છે. બાલાજીની મૂર્તિ પહાડના અખંડ ભાગના રૂપમાં મંદિરની પાછળવાળી દિવાલનું કામ પણ કરે છે. કહેવાય છે કે આ મૂર્તિને મુખ્ય માનીને બાકી મંદિરનું નિર્માણ કરવામાં આવ્યું હતુ. 

મંદિરનો પ્રસાદ ઘરે ના લઇ જવાની માન્યતા

મહત્વનું છે કે, મેહંદીપુર બાલાજી મંદિરમાંથી મળતો પ્રસાદ ખવાતો પણ નથી અને તેને ઘરે પણ લઇ જઇ શકાતો નથી. આ સાથે આ પ્રસાદ તમે કોઈને આપી પણ ના શકો. લોક માન્યતા છે કે આ પ્રસાદને ઘરે લઇ જવાથી તમારી પર નકારાત્મક આત્માની અસર થાય છે. આ ઉપરાંત મેહંદીપુર બાલાજીમાં પ્રસાદ ચઢાવવાની રીત પણ બાકી મંદિરોથી અલગ છે. મંદિરમાં દર્ખાવસ્ત અને માનતાવાળો એમ બે કેટેગરીમાં પ્રસાદ ચઢે છે. દર્ખાવસ્તને બાલાજીમાં હાજરી એવુ પણ કહેવામાં આવે છે. હાજરીના આ પ્રસાદને બે વખત ખરીદવામાં આવે છે. આ સિવાય માનતામાં 3 થાળીઓમાં પ્રસાદ રાખવાની પ્રથા છે. માન્યતા છે કે મંદિરમાં દર્ખાવસ્ત એક વખત લગાવ્યાં બાદ ત્યાંથી તરત નિકળી જાય છે. આ સાથે માનતાનો પ્રસાદ પરત ફરતી વખતે તેને પાછળથી ફેંકવાનો નિયમ છે. કહેવાય છે કે પ્રસાદને પાછળ ફેંક્યા બાદ તેને પાછળ ફરીને જોવુ ના જોઈએ.