BIG NEWS / 'વાવાઝોડા પ્રભાવિત માટે જાહેર થશે રાહત પેકેજ', અમિત શાહનું એલાન, જાણો ભુજ પ્રેસ કોન્ફરન્સમાં શું બોલ્યાં

• અસરગ્રસ્ત વિસ્તારોના નિરીક્ષણ બાદ કેન્દ્રીય ગૃહમંત્રી અમિત શાહનું નિવેદન 
• 'ઓછામાં ઓછા નુકસાની થાય તે રીતે કામ કરી સફળ થયા છીએ'
• 'એક પણ વ્યક્તિનું મૃત્યુ આ વાવાઝોડામાં થયું નથી'

બિપોરજોય વાવાઝોડાથી અસરગ્રસ્ત વિસ્તારની મુલાકાત લેવા માટે આજે કેન્દ્રીય ગૃહ મંત્રી અમિત શાહ ગુજરાત આવ્યા હતા. જેમણે વાવાઝોડાથી પ્રભાવિત વિસ્તારોનું હવાઈ નિરિક્ષણ કર્યું હતું તેમજ સેલટર હોમ ખાતે રહેલા લોકોને મળ્યા હતા. સમગ્ર પરિસ્થિતિનો તાગ મેળવ્યા બાદ કેન્દ્રીય ગૃહ અને સહકારિતા મંત્રી અમિત શાહ પત્રકાર પરિષદ યોજી હતી

'વાવાઝોડાની આપદા સામે સફળ થયા છીએ'
અમિત શાહે જણાવ્યું કે, બિપોરજોયના 6 તારીખે સમાચાર સામે આવ્યા હતા ત્યારે બધાના મનમાં ઘણી બધી આશંકા હતી અને પરંતુ આજે ખૂબ જ સંતુષ્ઠી સાથે આજની રિવ્યું મીટિંગમાં કહી શકું છું કે, પ્રધાનમંત્રી અને મુખ્યમંત્રીથી લઈ ગામના તલાટી સુધી તેમજ તમામ ચૂટાયેલા પ્રતિનિધિઓએ તેમજ વહીવટી તંત્ર ખૂબ સારૂ કામ કર્યું છે. તેમણે જણાવ્યું કે, ઓછામાં ઓછા નુકસાની થાય તે રીતે કામ કરી આ વાવાઝોડાની આપદા સામે સફળ થયા છીએ.  

'સહાયની એક પેર્ટન બનેલી છે જેના આધારે ગુજરાત સરાકર પેકેજ બનાવશે'
તેમણે જણાવ્યું કે, સૌથી પહેલી અમારી પ્રાયોરિટી છે જેઓ વિસ્થાપિત થયા છે તેમને ઘરે મુકવા. તેમણે સહાયને લઈ જણાવ્યું કે, સહાયની એક પેર્ટન બનેલી છે જેના આધારે ગુજરાત સરકાર પેકેજ બનાવશે અને જાહેર કરશે. અત્યારે વીજળી અને પાણીનો સપ્લાય કરવાની કામગીરી યુદ્ધના ઘોરણ કરવામાં આવી રહી છે. સૌથી પહેલા જે વિસ્થાપિત થયેલા નાગરિકોને તેમના ઘરે સલામતી પૂર્વક પહોંચાડવામાં આવશે તેમ તેમણે જણાવ્યું હતું

#WATCH | Gujarat: Our priority is to restore people back to their homes. The pattern for the support package has been prepared, Gujarat Govt will make an announcement for the same: Union Home Minister Amit Shah pic.twitter.com/U2zWCerKkb

— ANI (@ANI) June 17, 2023

ટીમ વર્કનો ઉત્તમ ઉદાહરણ ગુજરાત સરકારે પૂરૂ પાડ્યું: ગૃહમંત્રી અમિત શાહ
તેમણે કહ્યું કે, આ વાવાઝોડા સામેની લડાઈમાં તલાટીથી લઈ જિલ્લા અને તાલુકા દરેક પ્રતિનિધિ ખૂબ જ સારૂ કાર્ય કર્યું છે. તેમણે કહ્યું કે, તમામ રાજનીતિ પક્ષો તેમજ એનજીઓએ સમય પર મળેલી સૂચનાઓના ઉપયોગ જાન માલને કઈ રીતે બચાવી શકાય તે દીશામાં કામ કર્યું છે. તેમણે કહ્યું કે આ ટીમ વર્કનો ઉત્તમ ઉદાહરણ ગુજરાત સરકારે પૂરૂ પાડ્યું છે. તેમણે કહ્યું કે, એક પણ વ્યક્તિનું મૃત્યુ આ વાવાઝોડામાં થયું નથી તેમજ માત્ર 47 લોકોને ઈજા પહોંચી છે. ઓછામાં ઓછું નુકસાન ભોગવવવું પડે તે રીતે તમામે કામ કર્યું છે.  તેમણે કહ્યું કે, 20 જુન સુધીમાં સમગ્ર વાવાઝોડા પ્રભાવિત વિસ્તારમાં વીજળી ચાલુ કરી દેવામાં આવશે. 

#WATCH | Gujarat: The Gujarat Government has fully implemented NDMA guidelines during the #CycloneBiporjoy. In the last 40 years, I have visited several places but for the first time, I have seen happy faces without any complaints. This is because of the preparedness of the… pic.twitter.com/8jkmT8z3v4

— ANI (@ANI) June 17, 2023

અમિત શાહે-ભૂપેન્દ્ર પટેલે કર્યું હતું હવાઈ નિરીક્ષણ 
કચ્છ જિલ્લામાં બિપોરજોયની અસરની વચ્ચે આજે કેન્દ્રીય ગૃહમંત્રી અમિત શાહ અને રાજ્યના મુખ્યમંત્રી ભૂપેન્દ્ર પટેલે જખૌ પોર્ટનું હવાઈ નિરીક્ષણ કર્યું હતું. આ દરમિયાન અમિત શાહ જખૌ સેલટર હોમ ખાતે રહેલા લોકોને પણ મળ્યા હતા. જે બાદમાં માંડવી ખાતે પ્રભાવિત થયેલ લોકો સાથે અમિત શાહે મુલાકાત કરી હતી.