કોરોના વાયરસ / ડૉ. હર્ષવર્ધને કહ્યું- ભારતમાં કોરોનાનો પહેલો કેસ આવ્યાના દોઢ મહિના બાદ અચાનક આના કારણે કેસ વધ્યા

• સ્વાસ્થ્ય મંત્રી હર્ષવર્ધને કહ્યું- તબલીગી જમાતથી વધ્યા કોરોનાના કેસ
• કહ્યું- માર્ચ સુધી દેશમાં ગણ્યાગાંઠ્યા કેસ હતા, પછી ઝડપથી વધ્યા
• કાર્યક્રમમાં સોશિયલ ડિસ્ટેન્સિંગનું પાલન ન કરાયું, કોઈને માહિતી નહીં

મંત્રી હર્ષવર્ધને કહ્યું કે, તેમને વારંવાર આ મુદ્દાને ઉઠાવતા કષ્ટ બહુ થાય છે પરંતુ કોઈ શંકા નથી કે માર્ચ મહિનામાં રાજધાની દિલ્હીમાં થયેલ તબલીગી જમાતના કાર્યક્રમ બાદ દેશમાં કોરોનાના કેસ ઝડપથી વધી ગયા.

ભારતમાં હતા ઓછા કેસ, ત્યારે બની ઘટના

હર્ષવર્ધને ભારતીય જનતા પાર્ટી નેતા જીવીએલ નરસિમ્હા રાવને સવાલ કર્યો હતો કે શું ભારતમાં તબલીગી જમાત બાદ કોરોનાએ ઝડપ પકડી? આના જવાબમાં હર્ષવર્ધને કહ્યું કે, સત્ય વાત એ છે કે આ વાત જૂની થઇ ચૂકી છે. આના પર ચર્ચા પણ બહુ થઇ ચૂકી છે અને વિશ્લેષણ પણ બહુ થઇ ચૂક્યું છે. અમને વારંવાર આ મુદ્દાને ઉઠાવતા કષ્ટ બહુ થાય છે પરંતુ એમાં કોઈ બેમત નથી કે માર્ચના બીજા અઠવાડિયા આસપાસ જ્યારે દુનિયામાં ઝડપથી સંક્રમણ થઇ રહ્યું હતું અને ભારતમાં પહેલો કેસ આવ્યા બાદ દોઢ મહિનો વીતી ચૂક્યો હતો. દેશમાં કેસની સંખ્યા સામાન્ય હતી. થોડા રાજ્યોમાં થોડા કેસ હતા અને તે સમયે દુર્ભાગ્યપૂર્ણ, દુખદ અને ગેરજવાબદાર ઘટના બની.

#WATCH: Enough has been discussed & debated about it. I feel bad to raise this issue every now & then: Union Health Minister Dr. Harsh Vardhan on being asked by BJP's GVL Narasimha Rao, "If Tablighi Jamaat event was a take of point for corona in India?" pic.twitter.com/yqsP33JhIb

— ANI (@ANI) May 24, 2020

 ભારતની 4 કંપીનીઓ રસી બનાવવાની ક્લીનિક ટ્રાયલ સ્ટેજમાં ટૂંક સમયમાં પહોંચશેઃ હર્ષવર્ધન

જીવીએલ નરસિમ્હા રાવે વીડિયો કોન્ફ્રરન્સની મદદથી આરોગ્ય મંત્રી હર્ષવર્ધન સાથે કોરોનાની મહામારીને લઈને વાતચીત કરી હતી. વાતચીતમાં દેશવાસીઓને સંદેશ આપવાની વાત કરી છે. હર્ષવર્ધને કહ્યું કે, ભારતની 4 કંપીનીઓ રસી બનાવવાની ક્લીનિક ટ્રાયલ સ્ટેજમાં ટૂંક સમયમાં પહોંચશે. ભારતની 4 કંપનીઓ રસી બનાવવાની ક્લીનીકલ ટ્રાયલ સ્ટેજમાં છે. 4થી 5 મહિનામાં 4 કંપનીઓ ક્લીનીકલ સ્ટેજમાં પહોચી જશે તેવો વિશ્વાસ વ્યક્ત કર્યો છે. આરોગ્યમંત્રીએ દાવો કર્યો છે કે, ભારતમાં હાલ 14 કંપનીઓ રસી બનાવવાની રેસમાં છે અને લાંબી પ્રક્રિયાના કારણે 1 વર્ષ સુધી રસી બજારમાં આવી નહીં શકે તેવી વાત કરી હતી. ક્લીનીકલ ટ્રાયલમાં દવાનો દર્દીઓ પર પ્રયોગ કરવામાં આવે છે.