Budget 2026 / ઈતિહાસનું સૌથી મોટું બજેટ, FM નિર્મલા સીતારમણે ડિફેન્સ માટે ફાળવ્યાં ₹7.8 લાખ કરોડ

Published By: Vidhata Gothi

Last Updated: 02:14 PM, 1 February 2026

FOLLOW ON

શેર કરો

Defence Budget 2026: નાણામંત્રી નિર્મલા સીતારમણે સંસદમાં નાણાકીય વર્ષ 2026-27 માટેનું બજેટ રજૂ કર્યું, જેમાં રાષ્ટ્રીય સુરક્ષાને સર્વોચ્ચ પ્રાથમિકતા આપવામાં આવી. સરકારે ફરી એકવાર રક્ષા બજેટમાં નોંધપાત્ર વધારો કર્યો છે.

Defence Budget 2026: 1 ફેબ્રુઆરી 2026ના રોજ કેન્દ્રીય નાણામંત્રી નિર્મલા સીતારમણે સંસદમાં નવું બજેટ રજૂ કર્યું. આ વખતે બજેટમાં રક્ષા મંત્રાલયને ₹7.8 લાખ કરોડની મોટી રકમ ફાળવવામાં આવી છે. ગયા વર્ષના બજેટ 2025-26માં ફાળવવામાં આવેલી 6.81 લાખ કરોડ રૂપિયાની રકમની સરખામણીમાં આ લગભગ 14.5 ટકા વધારે કગે. દેશની ત્રણેય સેનાઓને વિશ્વની સૌથી આધુનિક અને મેડ ઇન ઇન્ડિયા હથિયારોથી સજ્જ કરવા પર સરકારનું ધ્યાન કેન્દ્રિત છે.

આ વર્ષના બજેટની સૌથી મોટી વાત એ છે કે સેનાના આધુનિકરણ માટે ₹2.19 લાખ કરોડ રૂપિયા અલગ રાખવામાં આવ્યા છે. આ પૈસા નવી મિસાઇલો, ફાઇટર જેટ્સ, સબમરીન અને ડ્રોનની ખરીદી પર ખર્ચ થશે. ગયા વર્ષે ભારતે લાઇટ કોમ્બેટ હેલિકોપ્ટર (LCH), રાફેલ-એમ અને તેજસ એમકે1એ જેવી મોટી ડિલ્સ કરી હતી. પણ આ વખતે વધુ મોટી ડિલ્સ કરવાની તૈયારી છે માનવામાં આવી રહ્યું છે કે આ બજેટથી 114 રાફેલ ફાઇટર જેટ્સની મોટી ડિલ અને પંચમી જનરેશનના Su-57 સ્ટિલ્થ ફાઇટર જેવા પ્રોજેક્ટ્સમાં તેજી આવશે.

એવામાં સરકારે સ્પષ્ટ કરી દીધું છે કે તે પોતાના સૈન્યની શક્તિને જાળવી રાખવા માટે કોઈ પણ પ્રકારની કસર બાકી નહીં રાખે. આ સાથે જ મેક ઇન ઇન્ડિયા અંતર્ગત સ્વદેશી રક્ષા ઉત્પાદનને પ્રોત્સાહન આપવા માટે બજેટનો એક મોટો ભાગ ભારતીય કંપનીઓ માટે સુરક્ષિત રાખવામાં આવ્યો છે, જેથી આપણે હથિયારોના મામલે વિશ્વ પર નિર્ભર ન રહે.

રક્ષા બજેટ 2026-27એ જૂના તમામ રેકોર્ડ ધ્વસ્ત કરી દીધા છે. જાણો આ વર્ષના રક્ષા બજેટના મુખ્ય આંકડા

કુલ રક્ષા બજેટ 2026-27 - 1.8 લાખ કરોડ રૂપિયા
ગયા વર્ષનું રક્ષા બજેટ 2025-26 - 6.81 લાખ કરોડ રૂપિયા
વધારો - લગભગ 14.5 ટકા
આધુનિકરણ માટે ફંડ - 2.19 લાખ કરોડ

આ પણ વાંચો: નવો ઈન્કમ ટેક્સ એક્ટ 1 એપ્રિલથી થશે લાગુ, નાણામંત્રી નિર્મલા સીતારમણની મોટી જાહેરાત

ગયા વર્ષની જેમ, બજેટનો નોંધપાત્ર હિસ્સો સ્વદેશી કંપનીઓ માટે નક્કી કરવામાં આવ્યો છે - ગયા વર્ષે સંરક્ષણ ખરીદીનો 75% સ્વદેશી હથિયારો માટે હતો. સેના હવે સ્વદેશી ડ્રોન (UAV), માનવરહિત હવાઈ વાહનો અને આધુનિક ટેન્કોથી સજ્જ કરવાની યોજના ધરાવે છે. HAL અને DRDO જેવી સંસ્થાઓ તેમજ ખાનગી ક્ષેત્રની સંરક્ષણ કંપનીઓને આ બજેટમાંથી નોંધપાત્ર ટેકો મળશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ

સંકળાયેલા મુદ્દાઓ

Defence Budget 2026 Budget 2026 Gujarati News Union Budget 2026