મોંઘવારીનો માર / Uber ટેક્સીથી સફર કરવી થઈ મોંઘી, ભાડામાં થયો 12 ટકાનો ધરખમ વધારો, જાણો કોને લાગુ પડશે

• હવે ઉબેરને નડી મોંઘવારી 
• ઉબેરે ટેક્સી ભાડામાં કર્યો 12 ટકાનો વધારો
• દિલ્હી અને એનસીઆરના લોકોએ વધારે ભાડુ ચુકવવું પડશે

દેશમાં રોજ કોઈને કોઈ વસ્તુના ભાવ વધી રહ્યાં છે. મોંઘા ડીઝલ-પેટ્રોલ અને સીએનજીની અસર ટેક્સી બિઝનેસ પર પણ જોવા મળી રહી છે.  એપ દ્વારા ટેક્સી સેવા આપતી કંપની Uber (UBER) એ દિલ્હી-NCRમાં ભાડામાં 12 ટકાનો વધારો કરવાની જાહેરાત કરી છે. 

દિલ્હી-NCRમાં ઉબેરના ભાડામાં થયો 12 ટકાનો વધારો 

ઉબેર ઇન્ડિયા અને સાઉથ એશિયાના હેડ ઓફ સેન્ટ્રલ ઓપરેશન્સ નીતીશ ભૂષણે કહ્યું કે અમે ડ્રાઈવરોની વાત સાંભળી છે અને સમજીએ છીએ કે ઇંધણના ભાવમાં તાજેતરના વધારાને કારણે તેઓ સમસ્યાઓનો સામનો કરી રહ્યા છે. કિંમતોમાં વધારા વચ્ચે તેમને મદદ કરવા માટે ઉબરે દિલ્હી-એનસીઆરમાં ભાડામાં લગભગ 12 ટકાનો વધારો કર્યો છે. આગામી સપ્તાહોમાં ઈંધણના ભાવ પર નજર રાખવાનું ચાલુ રાખીશું અને તે મુજબ અમારા આગળના પગલાં લઈશું.તેમણે કહ્યું કે પહેલા કેટલાક વિસ્તારોમાં તેનો ટ્રાયલ કરવામાં આવ્યો અને પછી આજથી એટલે કે સોમવારથી તેને સમગ્ર દિલ્હી-NCRમાં લાગુ કરવામાં આવ્યો છે.

જાણો કેટલું વધશે ભાડુ 
ઓલામાં મિની કેટેગરીમાં અત્યાર સુધી 18 કિમી સુધી 9.5 રૂપિયા પ્રતિ કિમીનો દર હતો. હવે તે વધારીને 10.5 કિમી કરવામાં આવી છે. 18 કિમી પછી 11.80 પૈસા પ્રતિ કિમીનો દર હતો જે ઘટાડીને 12.60 રૂપિયા કરવામાં આવ્યો છે. તેવી જ રીતે પ્રાઇમ કેટેગરીમાં પહેલા 15 કિમી માટે 12 રૂપિયા પ્રતિ કિમીનો દર હતો જે હવે ઘટાડીને 13.1 રૂપિયા કરવામાં આવ્યો છે. 15 કિમી પછી ગ્રાહક પાસેથી પ્રતિ કિમી 13 રૂપિયા વસૂલવામાં આવતા હતા, જે હવે વધારીને 14.5 રૂપિયા કરવામાં આવ્યા છે.

ઓલાએ પણ ભાડામાં 11 ટકા સુધીનો વધારો કર્યો
ઉબેર અને ઓલાએ ઘણી જગ્યાએ ભાડામાં વધારો કર્યો છે. ઉબેર અને ઓલાના ડ્રાઇવરો તાજેતરમાં પેટ્રોલ અને ડીઝલ તેમજ સીએનજીના ભાવમાં થયેલા ભારે વધારાને કારણે ભાડામાં વધારો કરવાની માંગ કરી રહ્યા હતા. ઉબરે કેટલાંક શહેરોમાં ભાડાંમાં 15 ટકા સુધીનો વધારો કર્યો છે. ઓલાએ પણ ભાડામાં 11 ટકા સુધીનો વધારો કર્યો છે.