ક્રિકેટ / પાકિસ્તાનનાં બીજા બે ખેલાડીઓ પર લાગી શકે છે પ્રતિબંધ, વર્લ્ડકપ અગાઉ ફિકસીંગ મામલે ફસાયા દિગ્ગજો

• પાકિસ્તાન અને ક્રિકેટ ફિકસીંગનો સંબંધ ઘણો જૂનો
• આસિફ અફરીદી કેસમાં વધુ 2 ક્રિકેટર ફસાયા 
• પાકિસ્તાની સ્પિનર આસિફ અફરીદી પર બેન લગાવવામાં આવ્યો હતો

પાકિસ્તાન અને ક્રિકેટ ફિકસીંગનો સંબંધ ઘણો જૂનો છે. ઘણી વખત પાકિસ્તાનના ઘણા ખેલાડીઓ ફિકસીંગના મામલામાં ફસાયા છે. હવે ફરી એક વખત પાકિસ્તાનના થોડા ક્રિકેટરો મેચ ફિકસીંગ આ કિસ્સામાં ફસાતા દેખાય રહ્યા છે. 13 સપ્ટેમ્બરના રોજ પાકિસ્તાની સ્પિનર આસિફ અફરીદી પર બેન લગાવવામાં આવ્યો હતો. 

PCB provisionally suspends Khyber Pakhtunkhwa’s left-arm spinner Asif Afridi with immediate effect under Article 4.7.1** of the PCB Anti-Corruption Code #Cricket pic.twitter.com/MaQsI3fOZk

— PakPassion.net (@PakPassion) September 13, 2022

આ કિસ્સામાં મોટો અપડેટ એ છે કે ડાબા હાથના સ્પિનર આસિફ અફરીદી સાથે બીજા બે ખેલાડીઓ મેચ ફિકસીંગ મામલામાં ફસાતા જોવા મળી રહ્યા છે. ક્રિકેટ પાકિસ્તાનના સમાચાર મુજબ આસિફ અફરીદી કેસમાં વધુ 2 ક્રિકેટર ફસાયા છે અને હાલ તેમની સામે તપાસ ચાલી રહી છે.  

જો એ રિપોર્ટ સાચી છે અને તપાસ શરૂ થઈ ગઈ છે તો પાકિસ્તાનના વધુ બે ખેલાડીને બેન કરવામાં આવી શકે છે. જો કે જણાવી દઈએ કે આસિફ અફરીદીએ પીસીબી પાકિસ્તાન ક્રિકેટ બોર્ડ સામેના એન્ટી કરપ્શન યુનિટની સામે પોતાનો ગુનો કબૂલી લીધો છે. એ પછી ઓથોરિટીનું માનવું છે કે એકલો આસિફ અફરીદી આ કેસમાં સામેલ નથી પણ બીજા ખેલાડીઓ પણ સામેલ હોય શકે છે.  

35 વર્ષીય અનુભવી સ્પિનર આસિફ અફરીદી પર ભ્રષ્ટાચાર વિરોધી સંહિતાની કલમ 4.7.1 હેઠળ ક્રિકેટ રમવા પર પ્રતિબંધ મૂકવામાં આવ્યો  હતો આ ઉપરાંત કહેવામાં આવી રહ્યું છે કે વધુ બે ક્રિકેટર આ કિસ્સામાં ફસાઈ શકે છે જો કે આ બે ખેલાડીઓ કોણ છે, તેમના નામ હજુ બહાર આવ્યા નથી. જો આ બંને ખેલાડીઓ દોષી સાબિત થશે તો બોર્ડ તેમની સામે કડક કાર્યવાહી કરશે. 

આસિફ અફરીદીએ તાજેતરમાં કાશ્મીર પ્રીમિયર લીગમાં ભાગ લીધો હતો.  આ ખેલાડીનો રાવલકોટ હોક્સ ટીમમાં સમાવેશ કરવામાં આવ્યો હતો.  PCB એ મામલાની તપાસ કરવા માટે તેના એન્ટી કરપ્શન યુનિટના અધિકારીઓને મુઝફ્ફરાબાદ મોકલવામાં આવી છે. 

આસિફ અફરીદીએ 35 ફર્સ્ટ ક્લાસ મેચમાં 118 વિકેટ લીધી છે. આ સહિત લિસ્ટ Aમાં તેના નામે 59 વિકેટ દર્જ છે, આ સહિત ટી20માં અફરીદીએ 65 ટી20 મેચમાં 63 વિકેટ લીધી છે.