બેદરકારી / માતા-પિતાની આંખ ઉઘાડતી ઘટના, અમદાવાદ અને વલસાડમાં અલગ અલગ બનાવમાં બે બાળકોનાં પાણીમાં ડૂબી જતા મોત

• ઘર આંગણે રમતા રમતા બાળકનુ મોત
• માતા-પિતાની આંખ ઉઘાડતી ઘટના 
• પાણીમાં ડૂબી જતા બાળકનુ થયુ મૃત્યુ

રાજ્યમાં આજે એક સાથે ઘર આંગણે રમતા રમતા મોત થયુ હોવાની ઘટના સામે આવી છે. અમદાવાદ અને વલસાડમાં બાળકોના માતા-પિતાની આંખ ઉઘાડતી ઘટના સામે આવી છે. અમદાવાદ શહેરના અસારવામાં બાળક રમતા રમતા પોતાના ઘરની ટાંકીમાં ડૂબ્યો હતો. તેવી જ એક ઘટના વલસાડના પારડીમાં ઘટી હતી. જેમાં બાળકી રમતા સમયે ઘરમાં પાણી ભરેલી ડોલમા પડી જતા બાળકીનુ મોત થયુ હતુ.

શહેરના અસારવા હોડી ચકલાનો બનાવ 
અમદાવાદ શહેરમાં અસારવામાં હોડી ચકલા વિસ્તારમાં બે વર્ષનો બાળક રમતા રમતા ઘરની પાણીની ટાંકીમાં પડી ગયો હતો. જે અંગેની જાણ પરિવારજનોને થતા પરિવારજનો દ્વારા બાળકને તાત્કાલીક સારવાર અર્થે હોસ્પિટલ ખસેડ્યો હતો. જ્યાં સારવાર દરમ્યાન સોહમ પટ્ટણી નામના બાળકનું મોત નિપજ્યું હતું.

શ્રમિક પરિવારની દોઢ વર્ષની બાળકીનું મોત
વલસાડમાં માતા-પિતા માટે આંખ ઉઘાડતો કિસ્સો સામે આવ્યો છે. જેમાં વલસાડનાં પારડીના નાના વાઘછીપા ગામે દોઢ વર્ષની બાળકી ડોલમાં પડી જતા મોત નિપજ્યું હતું. ત્યારે શ્રમિક પરિવારની દોઢ વર્ષની બાળકીનું મોત નિપજતા પરિવારજનોમાં શોક વ્યાપી જવા પામ્યો હતો. ભાઈ-બહેન સાથે દોઢ વર્ષની બાળકી રમતી હતી. ત્યારે રમતા રમતા અચાનક બાળકી ડોલમાં પડી ગઈ હતી. બાળકીનું માથું પાણી ભરેલી ડોલમાં ડૂબી જતા મોત નિપજ્યું હતું. ત્યારે આ બાબતે પારડી પોલીસે ગુનો નોંધી કાર્યવાહિ હાથ ધરી  હતી.