વેદના / તમામ સ્ટારકિડ્સ માટે રેડ કાર્પેટ નથી હોતું, મારે કરીના માટે...: તુષાર કપૂરનું દર્દ વર્ષો બાદ છલકાયું

• તુષાર કપૂર બોલીવુડના પીઢ અભિનેતા જીતેન્દ્રના પુત્ર
• બોલીવુડમાં ઈનસાઈડર અને આઉટસાઈડર પર છેડાયેલી ચર્ચા પર મુકી વાત
• તુષાર કપૂરે કહ્યું, સ્ટારના બાળકોને લઇને લોકોની ધારણા ખોટી

સ્ટારના બાળકોને લઇને લોકોની ધારણા ખોટી: તુષાર કપૂર

બોલીવુડમાં ઈનસાઈડર અને આઉટસાઈડરને લઇને વારંવાર ચર્ચા ચાલતી રહે છે અને હવે આ ખૂબ સામાન્ય ટોપિક થયો છે. લોકોની સ્ટાર કિડ્સને લઇને એવી ધારણા છે કે તેમને ફિલ્મોમાં સરળતાથી કામ મળી જાય છે. તેમને વધુ સંઘર્ષ કર્યા વગર જ ફિલ્મો મળી જાય છે. જો કે, એક સ્ટાર કિડ છે, જે આ બધી વાતોમાં વિશ્વાસ રાખતો નથી. તુષાર કપૂરનુ માનવુ છે કે સ્ટારના બાળકોને લઇને લોકોની ધારણા ખોટી છે. તુષાર કપૂર બોલીવુડના પીઢ અભિનેતા જીતેન્દ્રના પુત્ર છે. તુષાર મુજબ પીઢ અભિનેતાના પુત્ર હોવા છતા સ્ટારના બાળક જેટલુ તેમને મહત્વ મળતુ નથી અને આજે પણ તેઓ પોતાને આઉટસાઈડર જ માને છે. 

હું આજે પણ પોતાને આઉટસાઈડર જ માનુ છુ: તુષાર કપૂર

તુષાર કપૂરે કસૌલીમાં ચાલી રહેલા ખુશવંત સિંહ લિટ્રેરી ફેસ્ટિવલમાં દિવ્યા દત્તાની સાથે વાતચીત દરમ્યાન બોલીવુડમાં ઈનસાઈડર અને આઉટસાઈડર પર છેડાયેલી ચર્ચાને લઇને વાત કહી. તેમણે કહ્યું, દરેક સ્ટાર કિડ માટે રેડ કાર્પેટ પાથરવામાં આવતુ નથી. જ્યારે હું ડેબ્યુ ફિલ્મ મુજે કુછ કહના હૈની શૂટીંગ કરી રહ્યો હતો તો મારે પોતાના એક કો-સ્ટાર માટે ઘણા સમય સુધી રાહ જોવી પડી હતી. તુષાર વધુમાં કહે છે, બીજી સ્ટાર કિડ કરીના કપૂર ખાન માટે પણ મારે 12-14 કલાક રાહ જોવી પડી હતી. કારણકે તે ત્યારે એકસાથે ચાર ફિલ્મોમાં કામ કરી રહી હતી. તેની પહેલી ફિલ્મ રીલીઝ થવાની હતી. પરંતુ કરીનાની માંગ ત્યારે એવી હતી કે તેમણે આટલી ફિલ્મો સાઈન કરી હતી. 

મારા પિતાની ભૂલ પરથી ઘણુ બધુ શિખવા મળ્યું

તુષાર કપૂરે ગયા વર્ષે પણ ઈનસાઈડર અને આઉટસાઈડર મુદ્દે પોતાના મંતવ્યો મુક્યા હતા. આ દરમ્યાન અભિનેતાએ કહ્યું હતુ કે પોતાના પિતા જીતેન્દ્રની ભૂલથી ઘણુ બધુ શીખવા મળ્યું છે.