લાઇફસ્ટાઇલ / જો તમને પણ છે આ બીમારી ને એલર્જી, તો ભૂલથી પણ ન પીતા હળદરવાળું દૂધ, જાણો કેમ

• દૂધમાં હળદર મિક્સ કરીને પીવાથી શરીરને ઘણા ફાયદા થાય છે
• ઉનાળા અને વરસાદની ઋતુમાં હળદરવાળું દૂધ પીવાનું ટાળવું જોઈએ
• લો બ્લડ પ્રેશર ધરાવતા દર્દીઓએ હળદરવાળું દૂધ ન પીવું જોઈએ

Who Should Not Drink Turmeric Milk: હળદર એક લોકપ્રિય મસાલો છે, જેનો ઉપયોગ ખાણી-પીણીમાં થાય છે. હળદર ઔષધીય ગુણોથી ભરપૂર છે. આયુર્વેદમાં હળદરનો ઉપયોગ સ્વાસ્થ્ય સંબંધિત અનેક રોગોની સારવાર માટે કરવામાં આવે છે. હળદરમાં કરક્યુમિન અને ફ્લેવોનોઈડ્સ ભરપૂર માત્રામાં હોય છે. એન્ટિબાયોટિક્સ અને એન્ટિસેપ્ટિક્સ ઉપરાંત, તેમાં હીલિંગ ગુણધર્મો પણ છે. દૂધમાં હળદર મિક્સ કરીને પીવાથી શરીરને ઘણા ફાયદા થાય છે. હળદરવાળું દૂધ ઇમ્યુનિટી શક્તિ વધારે છે, પરંતુ શિયાળામાં તેનું સેવન વધુ ફાયદાકારક છે. ઉનાળા અને વરસાદની ઋતુમાં તેનો વપરાશ ઓછો કરવો જોઈએ. આ સિવાય કેટલીક સમસ્યાઓથી પીડિત લોકોએ પણ હળદર વાળું દૂધ ન પીવું જોઈએ. આવું કરવું તેમના સ્વાસ્થ્ય માટે જોખમી બની શકે છે. આવો જાણીએ કે, હળદર વાળું દૂધ પીવું કોના માટે નુકસાનકારક હોઈ શકે છે.

ડાયેટિશિયન અનુસાર, લોકોએ હળદરવાળા દૂધનું સેવન સાવધાની સાથે કરવું જોઈએ. હળદરવાળું દૂધ દરેક માટે સારું નથી અને તે કેટલાક લોકોનું સ્વાસ્થ્ય બગાડી શકે છે. લોકોએ ખાસ કરીને ઉનાળા અને વરસાદની ઋતુમાં હળદરવાળું દૂધ પીવાનું ટાળવું જોઈએ. હળદરની તાસિર ગરમ હોય છે, જે ક્યારેક સમસ્યા બની શકે છે. સગર્ભા સ્ત્રીઓ અને સ્તનપાન કરાવતી સ્ત્રીઓએ હળદરવાળું દૂધ ન પીવું જોઈએ. આમ કરવું જોખમી બની શકે છે. જે મહિલાઓ એનિમિયાથી પીડિત હોય તેમણે પણ હળદરવાળું દૂધ ન પીવું જોઈએ. હળદરના વધુ પડતા સેવનથી શરીરમાં આયર્નનું શોષણ બંધ થઈ જાય છે અને આયર્નની ઉણપ થાય છે. તેનાથી એનિમિયાની સમસ્યા થઈ શકે છે.

આ લોકો માટે હળદર વાળુ દૂધ ખતરનાક

• ડાયેટિશિયન અનુસાર, લો બ્લડ પ્રેશર ધરાવતા દર્દીઓએ હળદરવાળું દૂધ ન પીવું જોઈએ, કારણ કે તેનાથી બ્લડ પ્રેશર ઓછું થાય છે.
• ઘણા લોકોને દૂધની એલર્જી હોય છે, તેઓએ પણ હળદરવાળું દૂધ ન પીવું જોઈએ. નહીં તો તેની તબિયત ઝડપથી બગડી શકે છે.
• હળદરવાળું દૂધ ગેસ અને પેટનું ફૂલવું જેવી સમસ્યા પેદા કરી શકે છે. જે લોકો આને લગતી સમસ્યાઓથી ઝઝૂમી રહ્યા છે તેઓએ દૂધથી બચવું જોઈએ.
• જે લોકોને પિત્તાશયની પથરી અથવા પિત્ત સંબંધિત કોઈ સમસ્યા હોય તો તેમણે હળદરવાળા દૂધનું સેવન કરવાનું ટાળવું જોઈએ.
• હળદરમાં રહેલું કર્ક્યુમિન નામનું રસાયણ ડાયાબિટીસના દર્દીઓના બ્લડ શુગર લેવલને ઘટાડી શકે છે. તેથી હળદરવાળું દૂધ ટાળવું.

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.