મુલાકાત / 'ભારત સાથેના સંબંધો મહત્વપૂર્ણ' PM મોદી સાથે મુલાકાત પછી બોલ્યા અમેરિકી રાજદૂત

ભારતમાં અમેરિકાના નિયુક્ત રાજદૂત સર્જિયો ગોરે પીએમ મોદી સાથે મુલાકાત કરી હતી. આ મુલાકાત દરમિયાન તેમણે પીએમ મોદીને માત્ર એક ખાસ ભેટ આપી હતી,સાથે જ અમેરિકાના રાષ્ટ્રપતિ ડોનાલ્ડ ટ્રમ્પનો વ્યક્તિગત સંદેશ પણ આપ્યો.

તેમણે વડા પ્રધાનને વ્હાઇટ હાઉસ ખાતે તેમનો અને રાષ્ટ્રપતિ ડોનાલ્ડ ટ્રમ્પનો એક ફ્રેમ કરેલો ફોટોગ્રાફ પણ ભેટમાં આપ્યો, જેના પર ટ્રમ્પનો સંદેશ અને સહી હતી. ટ્રમ્પે ફોટા પર સ્પષ્ટ લખ્યું હતું કે, "શ્રીમાન વડા પ્રધાન, તમે મહાન છો."

અમેરિકાના રાજદૂત-નિયુક્ત સર્જિયો ગોરે વડા પ્રધાન નરેન્દ્ર મોદી સાથેની તેમની મુલાકાતને ઉત્તમ ગણાવી અને કહ્યું કે અમેરિકા ભારત સાથેના તેના સંબંધોને મહત્વ આપે છે.

પીએમ મોદીએ પણ સર્જિયો ગોરને મળવા બદલ ખુશી વ્યક્ત કરી. તેમણે X પર લખ્યું, "ભારતમાં નિયુક્ત યુએસ એમ્બેસેડર સર્જિયો ગોરનું સ્વાગત કરતાં મને આનંદ થાય છે. મને વિશ્વાસ છે કે તેમનો કાર્યકાળ ભારત-અમેરિકા વ્યાપક વૈશ્વિક વ્યૂહાત્મક ભાગીદારીને વધુ મજબૂત બનાવશે.

"પ્રધાનમંત્રી મોદી સાથેની મુલાકાત બાદ, યુએસ એમ્બેસેડર સર્જિયો ગોરે કહ્યું, "અમે સંરક્ષણ, વેપાર અને ટેકનોલોજી સહિતના દ્વિપક્ષીય મુદ્દાઓ પર ચર્ચા કરી. અમે મહત્વપૂર્ણ ખનિજોના મહત્વ પર પણ ચર્ચા કરી." ગોરે એમ પણ કહ્યું કે રાષ્ટ્રપતિ ડોનાલ્ડ ટ્રમ્પ પ્રધાનમંત્રી મોદીને એક મહાન અને વ્યક્તિગત મિત્ર માને છે.

સર્જિયો ગોર ડેપ્યુટી સેક્રેટરી ઓફ સ્ટેટ ફોર મેનેજમેન્ટ એન્ડ રિસોર્સિસ માઈકલ જે. રિગાસ સાથે છ દિવસની મુલાકાતે ભારત આવ્યા છે, જ્યાં તેઓ વરિષ્ઠ ભારતીય અધિકારીઓ સાથે મુલાકાત કરશે.

આ પણ વાંચોઃ 'મને ૐ નમઃ શિવાય સંભળાય છે' વડનગરના મંદિરમાં દર્શન પછી અક્ષય કુમારને અદભૂત અનુભૂતિ

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ