માર્કેટ / સપ્તાહના છેલ્લા દિવસે શેરબજારમાં શાનદાર તેજી, સેન્સેક્સ 300 પોઈન્ટ ઉચકાયો પણ લિસ્ટેડ સ્ટોકમાં કડાકો, જાણો બજારના તમામ હાલચાલ

• આજે માર્કેટમાં ખરીદીનો માહોલ
• રોકાણકારોની જોરદાર ખરીદીનાં લીધે માર્કેટ ઊંચું ગયું
• સેંસેક્સમાં 304 અંકોનો ઊછાળો નોંધાયો

અઠવાડિયાનાં છેલ્લાં દિવસે રોકાણકારોએ જોરદાર ખરીદી કરી જેના લીધે ભારતીય શેર બજારમાં તેજી જોવા મળી. RBIએ પોતાની પોલિસી રેટ્સમાં કોઈ ફેરફાર નથી કર્યા અને અર્થવ્યવસ્થાની સારી સ્થિતિ દર્શાવી છે જેના લીધે બજારમાં રોકાણકારો તરફથી ખરીદીનો માહોલ જોવા મળ્યો હતો. આજે BSE સેંસેક્સ 304 અંકોથી ઊછળીને 69825 અંક પર બંધ થયું જ્યારે NSE 69 અંકોનાં ઊછાળા સાથે 20970 અંકો પર બંધ થયું.

સેક્ટરની સ્થિતિ
આજનાં ટ્રેડમાં બેંકિંગ સેક્ટરનાં શેરોમાં ભારી ખરીદી જોવા મળી. આ સિવાય IT, કંઝ્યૂમર ડ્યૂરેબલ્સ શેરોમાં પણ તેજી જોવા મળી હતી. જ્યારે ઑટો, ફાર્મા, હેલ્થકેર, ઓયલ એન્ડ ગેસ, એનર્જી, મેટલ્સ, FMCG સેક્ટરનાં સ્ટોક્સમાં વેંચાણ જોવા મળ્યું. આજનાં ટ્રેડમાં મિડ કેપ અને સ્મોલ કેપ સ્ટોક્સની તેજી પર બ્રેક લાગી ગયાં. બંને સ્ટોક્સનાં ઈંડેક્સ લાલ નિશાની પર બંધ થયાં. સેંસેક્સનાં 30 શેરોમાં 20 શેર તેજીની સાથે અને 10 ઘટાડા સાથે બંધ થયાં. જ્યારે નિફ્ટીનાં 50 શેરોમાંથી 24માં તેજી અને 26 ઘટાડા સાથે બંધ થયાં.

માર્કેટ કેપમાં ઘટાડો
બજાર આજે ગ્રીન નિશાની પર બંધ થયું પણ શેરબજારમાં લિસ્ટેડ સ્ટોક્સનાં માર્કેટ કેપમાં ઘટાડો જોવા મળ્યો છે. BSE માર્કેટ કેપ આજનાં ટ્રેડમાં 349.36 લાખ કરોડ રહ્યું જે પાછલા સત્રમાં 350.17 લાખ કરોડ રૂપિયા રહ્યું છે. આજનાં ટ્રેડમાં માર્કેટ કેપમાં 81000 કરોડ રૂપિયાનો ઘટાડો જોવા મળ્યો.