કડકાઈ / પાન-મસાલા અને તમાકુ અંગે GST કાઉન્સિલનો મોટો નિર્ણય, 1 એપ્રિલથી થશે 1 લાખનો દંડ

• પાન-મસાલા, તમાકુ બનાવતી કંપની માટે નવો નિયમ
• કંપનીઓને પેકિંગ મશીનોની નોંધણી કરાવવી પડશે
• GST વિભાગ પાસે ગુટાકા કંપનીઓને મશીનની નોંધણી કરાવવી પડશે

પાન મસાલા, તમાકુ અને ગુટકા ઉત્પાદનો કરતી કંપનીઓને 1 એપ્રિલથી ભારે દંડ થઈ શકે છે. GST કાઉન્સિલ દ્વારા એક નવી એડવાઈઝરી જારી કરવામાં આવી છે. જેમાં તે અંગેની માહિતી આપવામાં આવી છે. GST દ્વારા જારી કરાયેલ એડવાઈઝરી મુજબ તમાકુ ઉત્પાદનોનું ઉત્પાદન કરતી કંપનીઓએ 1 એપ્રિલથી GST અધિકારીઓ પાસે તેમના પેકિંગ મશીનોની નોંધણી કરાવવી પડશે.

1 લાખ રૂપિયાનો દંડ વસૂલવામાં આવશે
જો કોઈ તમાકુ ઉત્પાદન ઉત્પાદક કંપની તેની પેકિંગ મશીનરી GST અધિકારીઓ પાસે રજીસ્ટર નહી કરાવે તો તેને 1 લાખ રૂપિયા સુધીનો દંડ ભરવો પડશે. સરકારના આ પગલાનો ઉદ્દેશ્ય તમાકુ ઉત્પાદન ક્ષેત્રમાં આવકના લીકેજને રોકવાનો છે. ફાઇનાન્સ બિલ 2024 એ સેન્ટ્રલ GST એક્ટમાં સુધારા રજૂ કર્યા છે, જે મુજબ ત્યાં રજીસ્ટર્ડ ન હોય તેવા દરેક મશીન પર 1 લાખ રૂપિયાનો દંડ વસૂલવામાં આવશે. 

રજીસ્ટ્રેશનની પ્રક્રિયા શરૂ થઈ ગઈ હતી
GST કાઉન્સિલની ભલામણના આધારે ટેક્સ અધિકારીઓએ ગયા વર્ષે તમાકુ ઉત્પાદકો દ્વારા મશીનોની નોંધણી માટે એક વિશેષ પ્રક્રિયા શરૂ કરી હતી. આ મશીનોની પેકિંગ ક્ષમતા સાથે હાલના પેકિંગ મશીનો, નવા ઇન્સ્ટોલ કરેલા મશીનોની વિગતો ફોર્મ GST SRM-I માં આપવાની રહેશે. જો કે ગયા વર્ષે આ માટે કોઈપણ પ્રકારના દંડ અંગે કોઈ માહિતી આપવામાં આવી ન હતી. 

નોંધણી શા માટે કરવામાં આવે છે?
મહેસૂલ સચિવ સંજય મલ્હોત્રાએ જણાવ્યું હતું કે GST કાઉન્સિલે છેલ્લી બેઠકમાં નિર્ણય લીધો હતો કે પાન મસાલા, ગુટખા અને તેના જેવા ઉત્પાદનો માટેના તેમના મશીનોની નોંધણી કરવામાં આવે જેથી અમે તેમની ઉત્પાદન ક્ષમતા પર નજર રાખી શકીએ.

વાંચવા જેવું:  ISI એજન્ટ ચોરી ગયો ભારતની ગુપ્ત વાતો, પાકિસ્તાનને શું શું આપ્યું? મોટો ઘટસ્ફોટ

મહેસૂલ સચિવ શું કહ્યું ?
મલ્હોત્રાએ જણાવ્યું હતું કે, ગત વર્ષ સુધી રજીસ્ટ્રેશન ન કરાવનારાઓ પર કોઈ દંડ વસૂલવામાં આવતો ન હતો. જે કે, આ વખતે કાઉન્સિલે નિર્ણય કર્યો છે કે આ માટે થોડો દંડ થવો જોઈએ. જેના કારણે હવે રજીસ્ટ્રેશન ન કરાવનારને 1 લાખ રૂપિયાનો દંડ ફટકારવાનો નિર્ણય લેવામાં આવ્યો છે. ગયા વર્ષે ફેબ્રુઆરીમાં GST કાઉન્સિલે પાન મસાલા અને ગુટખાના કારોબારમાં કરચોરીને રોકવા માટે રાજ્યના નાણાં પ્રધાનોની પેનલના અહેવાલને મંજૂરી આપી હતી.