ચિંતાજનક / કોરોનામાંથી સાજા થનારના મગજ પર થઈ રહી છે અસર, દર્દીઓ સાથે થઈ રહ્યું છે આવું

• 250 લોકોમાં 80 લોકોમાં ન્યૂરો સમસ્યા જોવા મળી છે
• જેમાં લગભગ 20 ટકા લોકો એવા છે જેમાં ભૂલવાની સમસ્યા છે
• સંક્રમણ જેટલું વધારે હોય છે. તેટલા વધારે લક્ષણ તેમના ઠીક થયા બાદ જોવા મળે છે

રાજીવ ગાંધી સુપર સ્પેશ્યાલિટી હોસ્પિટલના ડૉક્ટર અજીત જૈન જણાવે છે કે કોરોનામાંથી સાજા થયા બાદ લોકોને અનેક પ્રકારની સમસ્યાનો સામનો કરવો પડે છે. પોસ્ટ કોવિડ ક્લીનિકમાં સારવાર માટે આવેલા 250 લોકોમાં 80 લોકોમાં ન્યૂરો સમસ્યા જોવા મળી છે. જેમાં લગભગ 20 ટકા લોકો એવા છે જેમાં ભૂલવાની સમસ્યા છે.

તેમણે કહ્યું કે અનેક વાર એવું બને છે કે લોકોની નસોમાં લકવો થઈ જાય છે. ક્યારેક ક્યારેક આ દિમાગ પર અસર કરે છે. જેમાં યાદશક્તિને અસર થાય છે. જે દર્દીઓના સંક્રમિત હોવા દરમિયાન મગજ પર સોજો આવવાની સમસ્યા હોય છે તેમાં આ લક્ષણો વધારે જોવા મળ્યા છે. સાજા થયા બાદ 70 ટકા લોકોમાં નબળાઈ અને ચક્કર આવવાની સમાન્ય સમસ્યા છે.

ડૉક્ટરના જણાવ્યાનુંસાર એવું થવું કોઈ નવી વાત નથી. આવું બીજા વાયરસમાં પણ થાય છે. એપોલો હોસ્પિટલમાં ડૉક્ટર યશ ગુલાટી જણાવે છે કે વાયરસ સામે લડવા માટે શરીરમાં બનેલી એન્ટીજન રોગ પ્રતિકારક તંત્રમાં આ પ્રકારનો બદલાવ આવી જાય છે .જેનાથી ઈમ્યૂન સિસ્ટમ વધારે પ્રતિક્રિયા કરવા લાગે છે.

આ કારણે તાવ, શરીર દુખાવુ અને અન્ય સમસ્યાઓ થવા લાગે છે. જેનાથી ચિકનગુનિયામાં 8થી 10 દિવસ તાવ રહ્યા બાદ સાથા થઈ જાય છે પરંતુ તેમાંથી અનેક દર્દીઓમાં સાંધાનો દુખાવો અને શરીરમાં દુખાવો અનેક મહિનાઓ સુધી રહે છે.