IPL 2023 / ટોપ-4માં આ ટીમની અચાનક એન્ટ્રી, જીત બાદ પણ RCBને ફાયદો થયો નહીં! જાણો પોઈન્ટ ટેબલનો હાલ

• IPL સિઝન 16ના પોઈન્ટ ટેબલમાં કેટલાક મોટા ફેરફાર
• પંજાબની ટીમ હવે 5 મેચમાં 3 જીત સાથે પોઈન્ટ ટેબલમાં ચોથા નંબર પર
• લખનૌની ટીમ 5 મેચમાં 3 જીત સાથે 6 પોઈન્ટ સાથે બીજા નંબર પર

IPL 2023માં શનિવારે બે રોમાંચક મેચ જોવા મળી હતી. પ્રથમ મેચમાં RCBએ દિલ્હી કેપિટલ્સને 23 રને હરાવ્યું હતું અને દિવસની બીજી મેચમાં પંજાબ કિંગ્સે લખનૌ સુપર જાયન્ટ્સ સામે રોમાંચક જીત મેળવી હતી. જો કે આ બે મેચ બાદ IPL સિઝન 16ના પોઈન્ટ ટેબલમાં કેટલાક મોટા ફેરફાર જોવા મળ્યા છે.

પંજાબની ટોપ 4માં એન્ટ્રી
જણાવી દઈએ કે પંજાબ કિંગ્સે લખનૌ સામે છેલ્લી ઓવરમાં 2 વિકેટે જીત મેળવી હતી. આ સાથે પંજાબની ટીમ હવે 5 મેચમાં 3 જીત સાથે પોઈન્ટ ટેબલમાં ચોથા નંબર પર પહોંચી ગઈ છે અને આ ટીમનો રન રેટ -0.11 છે. આ સાથે જ રાજસ્થાન રોયલ્સ ટીમ હાલમાં આ યાદીમાં ટોચ પર છે. રાજસ્થાન 4 મેચમાં 3 જીત સાથે 6 પોઈન્ટ અને 1.59 રન રેટ સાથે ટોચ પર છે. બીજી તરફ ગઈકાલની મેચમાં હારેલી લખનૌની ટીમ 5 મેચમાં 3 જીત સાથે 6 પોઈન્ટ સાથે બીજા નંબર પર છે. આ ઉપરાંત ગુજરાતની ટીમ પણ એટલા જ પોઈન્ટ સાથે ત્રીજા નંબર પર છે.

7મા નંબર પર RCB
KKRની ટીમ પોઈન્ટ ટેબલમાં 5માં નંબર પર છે. KKRના 4 મેચમાં 2 જીત સાથે 4 પોઈન્ટ છે. અને તેનો રન રેટ 0.71 છે. આ સિવાય એમએસ ધોનીની સીએસકે યાદીમાં છઠ્ઠા નંબર પર છે. CSKના પણ 4 મેચ બાદ માત્ર 4 પોઈન્ટ છે. અને તેનો નેટ રન રેટ 0.23 છે. દિલ્હી સામેની જીત બાદ RCBની ટીમ 7મા નંબર પર છે. આરસીબીના પણ 4 પોઈન્ટ છે, પરંતુ તેમનો રન રેટ -0.32 છે. બીજી તરફ સનરાઈઝર્સ હૈદરાબાદની ટીમ 4 પોઈન્ટ અને -0.82 રન રેટ સાથે આઠમા નંબર પર છે. બીજી તરફ મુંબઈની ટીમ 2 પોઈન્ટ સાથે 9માં નંબર પર છે અને અત્યાર સુધીની તમામ પાંચ મેચ હારી ચૂકેલી દિલ્હીની ટીમ છેલ્લા નંબર પર છે.