નિવેદન / બિઝનેસ કરવા ભગવાનને કેમ..' રાજભા ગઢવી સહિત આ કલાકારોએ સાળંગપુર વિવાદ ફેંક્યો પડકાર, જુઓ કોણ શું બોલ્યું

• સાળંગપુરમાં હનુમાનજી ભીંતચિત્રોને લઈ હવે લોકસાહિત્યકારોનું નિવેદન
• લોક સાહિત્યકાર રાજભા ગઢવી તેમજ દેવરાજ ગઢવીએ આપી તેઓની પ્રતિક્રિયા
• હનુમાનજી રામ ભગવાન સિવાય કોઇના દાસ ન હોઇ શકે -દેવરાજ ગઢવી

 સાળંગપુરમાં હનુમાનજીને સ્વીનારાયણ સંપ્રદાયનાં સ્વામીનાં સેવક તરીકે ચિત્રમાં દર્શાવવામાં આવતા સાધુ સંતો સહિત લોકસાહિત્ય કલાકારોમાં પણ હવે રોષ ફાટી નીકળ્યો છે. ત્યારે સાળંગપુર હનુમાનજી મંદિર વિવાદ મામલે હવે લોક સાહિત્ય કલાકારોએ નિવેદન આપ્યા છે. 

લોકોનાં દુઃખ હરનારને તમે દાસ બતાવો તે યોગ્ય નથીઃ દેવરાજ ગઢવી
સાળંગપુર વિવાદને લઈ લોકસાહિત્યકાર દેવરાજ ગઢવીએ નિવેદન આપ્યું છે કે, સ્વામીનારાયણ સંપ્રદાયનાં અનેક વિવાદો સામે આવ્યા છે. આ લોકોને આવા વિવાદ કરવામાં શું આનંદ આવે છે?  હનુમાનજી રામ ભગગવાન સિવાય કોઈનાં દાસ ન હોઈ શકે.  લોકોનાં દુઃખ હરનારને તમે દાસ બતાવો તે યોગ્ય નથી. સ્વામીનારાયણ સંપ્રદાય સાથે સંકળાયેલા તમામને મારી અપીલ છે કે, તમામ લોકોએ સૌથી પહેલા આપણે હિન્દુ થાવું પડશે. અહીંયાથી પાછું વળવું પડશે નહીતર બજારમાં પણ નહી નીકળી શકો. 

કેટલાક લોકોએ આપણા સનાતન ધર્મ પર ધૂળ ઉડાડવાની કોશિષ કરીઃ રાજભા ગઢવી
આ બાબતે લોક સાહિત્યકાર રાજભા ગઢવીએ પણ પોતાનું નિવેદન આપતા જણાવ્યું હતું કે, હું પણ કાર્યક્રમમાં ઘણું બધું કહેતો આવું છું.  કેટલાક લોકોએ આપણા સનાતન ધર્મ પર ધૂળ ઉડાડવાની કોશિષ કરી છે.  આખી દુનિયામાં ઘણા બધા મહાન સંતો થઈ ગયા તેમને પણ વંદન છે.  કહેવાનો અર્થએ છે કે હવે આપણે જાગવું પડશે. ચિત્ત ચિત્રોને હટાવવા પડશે માત્ર ભીંત ચિત્રો હટાવવાથી કંઈ થવાનું નથી. હનુમાનજી શિવનું જ એક રૂપ છે. ધર્મ માટે આપણે ક્યાંય નહી કરીએ.  આપણને કોઈ નહી બચાવી શકે. આપણા છોકરા મોજ કરે, વેબ સીરીઝો જોવે, ડ્રગ્સ લે. અને બીજા બધા ધર્મને મજબૂત બનાવતા જાય છે.