બિહાર / નવી સરકાર પણ નીતિશની, મુખ્યમંત્રી પણ નીતિશ જ... તો રાજીનામું કેમ આપવું પડ્યું ?, જાણો

• બિહારમાં એનડીએની જગ્યાએ મહાગઠબંધનની સરકાર બનશે 
• હવે પ્રથમ સરકાર પડી જશે, પછી જ બીજી સરકાર બનશે
• નીતિશ કુમાર સીએમ હશે પરંતુ તેમનું ગઠબંધન આરજેડી સાથે રહેશે

બિહારમાં એનડીએની જગ્યાએ મહાગઠબંધનની સરકાર બનવા જઈ રહી છે. થોડા મહિનાઓ પહેલા સુધી જેઓ ઉગ્ર રાજકીય વિરોધી હતા, થોડા અઠવાડિયા પહેલા તેમનું વલણ નરમ પડ્યું. બિહારમાં નીતિશ કુમારે મુખ્યમંત્રી પદેથી રાજીનામું આપી દીધું છે. જોકે આ વખતે પણ નીતિશ કુમાર સીએમ હશે પરંતુ તેમનું ગઠબંધન આરજેડી સાથે રહેશે પરંતુ સરકારની ટોપી બદલતા પહેલા નીતિશ કુમારે રાજીનામું આપ્યું છે. 

રાજકીય નિષ્ણાતો મુજબ બિહારમાં મુખ્યમંત્રી ભલે એક જ હોય, પરંતુ મુખ્યમંત્રી બનાવનાર જૂથ બદલાઈ રહ્યું છે. જેને લઈ હવે પ્રથમ સરકાર પડી જશે, પછી બીજી સરકાર બનશે. એટલે કે, નીતીશ કુમારના રાજીનામાં બાદ નવા સમર્થકો પાસેથી સમર્થનનો પત્ર લેશે અને આગામી સરકાર બનાવવાનો દાવો કરશે. જેથી નીતિશ કુમારે રાજીનામું આપી ફરી આખી પ્રક્રિયા કરવી જ પડે. રાજકીય સૂત્રો મુજબ જો સરકારનું લેબલ બદલાઈ રહ્યું છે તો સરકાર કન્ટિન્યુટીમાં ચાલી શકે નહીં. 

Bihar | After tendering his resignation, CM Nitish Kumar leaves for the residence of Rabri Devi in Patna pic.twitter.com/wVSddyn1wS

— ANI (@ANI) August 9, 2022

એનડીએ સરકાર હવે મહાગઠબંધન સરકારના રૂપમાં હશે. અત્યાર સુધી વિપક્ષમાં બેઠેલા ધારાસભ્યો સત્તાધારી પક્ષમાં આવશે. સત્તાધારી પક્ષમાં બેઠેલા ભાજપના ધારાસભ્યો હવે વિપક્ષનો હિસ્સો બનશે. આ માટે જરૂરી છે કે, વર્તમાન સરકાર રાજીનામું આપે અને નવી સરકાર શપથ લે. મુખ્યમંત્રી ભલે એક જ હોય પરંતુ તમામ વિધિઓ નવેસરથી કરવામાં આવશે એટલે કે, સરકાર બનાવવાનો દાવો, શપથ ગ્રહણ અને બહુમતી સાબિત કરવાની કવાયત બધું ફરી થશે.