આગમન / બાગેશ્વર સરકાર ધીરેન્દ્ર શાસ્ત્રી કઈ પાર્ટીને કરે છે સપોર્ટ? સુરતમાં સામે આવ્યું મોટું નિવેદન, વિશ્વ પર નજર

• સુરતમાં આજે ધીરેન્દ્ર શાસ્ત્રીનો દિવ્ય દરબાર
• દિવ્ય દરબાર પહેલા રાજકીય નેતાઓની ધીરેન્દ્ર શાસ્ત્રી સાથે મુલાકાત
• ગોપીન ફાર્મમાં ધીરેન્દ્ર શાસ્ત્રીને મળવા માટે રાજકીય આગેવાનો પહોંચ્યા

બાગેશ્વરધામના ધીરેન્દ્ર શાસ્ત્રીનું ગુજરાતની ધરતી પર આગમન થયું છે. હાલ ધીરેન્દ્ર શાસ્ત્રી ગુજરાતમાં 10 દિવસનું રોકાણ કરવાના છે. આ દરમિયાન તેઓ ગુજરાતના વિવિધ શહેર રાજકોટ, અમદાવાદ, સુરતમાં દિવ્ય દરબારનું આયોજન કરવાના છે. હાલ અમદાવાદ ખાતે પ્રવચન બાદ સુરતમાં કાર્યક્રમ કરવાના છે. સુરતમાં દિવ્ય દરબાદને લઇને લોકોમાં ભારે ઉત્સાહ જોવા મળી રહ્યો છે. લોકો ઉનાળાની ગરમી હોવા છતા બાબાનું સ્વાગત કરવા માટે આતૂરતાથી રાહ જોઇ રહ્યાં છે. જેમાં મહિલાઓ અને બાળકોનો પણ છે. તો દિવ્ય દરબાર પહેલા ધીરેન્દ્ર શાસ્ત્રીએ પત્રકારો સાથે વાતચીત કરી હતી, જેમાં તેઓએ કેટલીક મહત્વની વત જણાવી હતી. ધીરેન્દ્ર શાસ્ત્રીએ જણાવ્યું કે ગુજરાતમાં આવીને ખુબ જ આનંદ થયો છે. 

સુરતમાં બાગેશ્વર સરકાર ધીરેન્દ્ર શાસ્ત્રીનું મોટું નિવેદન#Surat #BageshwarBaba #Bageshwardhamsarkar #bageshwardham #DhirendraKrishnaShastri #VTVGujarati #VTVCard pic.twitter.com/0tvYJYRv1D

— VTV Gujarati News and Beyond (@VtvGujarati) May 26, 2023

હુ હંમેશા હિન્દુ ધર્મથી જોડાયેલો છુ : 

ગુજરાતમાં આવીને તેઓએ કહ્યું હતું કે ગુજરાતમાં આવીને ખૂબ આનંદ થયો છે.તેઓએ કહ્યું કે સનાતન ધર્મનો પ્રચાર વિશ્વમાં કરવાનો છે. જેના ભાગરૂપે કુછ દિન ગુજારેંગે ગુજરાત મે.થી ગુજરાત આવ્યો છે. ગુજરાતમાં મને મારો પરિવાર મળ્યો હોવાનું કહ્યું હતું. તેઓએ કહ્યું કે હુ કોઇ રાજકીય પાર્ટીથી જોડાયો નથી પણ હુ બજરંગબલીની પાર્ટીથી જોડાયો છુ. બીજી કોઇ પણ પાર્ટી સાથે મારો સબંધ નથી. દરબારમાં સૌ ભક્તોનું સ્વાગત છે. હુ હંમેશા હિન્દુ ધર્મથી જોડાયેલો છુ તેમ અંતમાં કહ્યું હતું.

દિવ્ય દરબારને લઇને ભક્તોમાં ભારે ઉત્સાહ

બીજી બાજુ સુરતમાં બાગેશ્વરધામના ધીરેન્દ્ર શાસ્ત્રીના દિવ્ય દરબારને લઇને ભક્તોમાં ભારે ઉત્સાહ જોવા મળી રહ્યો છે. દિવ્ય દરબાર જ્યાં યોજાનાર છે એ પંડાલમાં ભક્તો જય શ્રી રામના નારા પણ લગાવી રહ્યાં છે. સુરતમાં બાગેશ્વરધામના ધીરેન્દ્ર શાસ્ત્રીના દિવ્ય દરબારને લઇને ચૂસ્ત પોલીસ બંદોબસ્ત પણ ગોઠવવામાં આવ્યો છે. સવારથી જ ભક્તોનું ઘોડાપૂર અહીં આવી રહ્યું છે. તો રાજકીય નેતાઓ પણ ગોપીન ફાર્મમાં ધીરેન્દ્ર શાસ્ત્રીને મળવા માટે પહોંચી રહ્યાં છે. જેમાં RMCના નેતા અમિત રાજપૂત, લિંબાયતના ધારાસભ્ય સંગીતા પાટીલનો સમાવેશ થાય છે. ઉલ્લેખનીય છે કે અમદાવાદમાં યોજાયેલા ધીરેન્દ્ર શાસ્ત્રીના દિવ્ય દરબારમાં તેઓએ કહ્યું હતું કે સનાતન ધર્મને કાજે આગળ આવવાનો સમય પાકી ગયો છે.