છેતરપીંડી / વિદેશમાં આવું પણ થાય! આણંદના 26 યુવકો 65 લાખમાં છેતરાયા, ફ્રુટની વાડીમાં નોકરીની આપી હતી લાલચ

વિદેશ જવાની ઘેલછા આણંદનાં 26 યુવકોને ભારે પડી છે. ઓસ્ટ્રેલિયામાં વાર્ષિક 33 હજારનાં ડોલરની નોકરી અપાવવાનાં નામે ઠગાઈ કરી છે. 2020 માં લોઈડ રોજારિયો નામનાં યુવકે 26 યુવકોને લાલચ આપી હતી. ત્યારે યુવકોએ અઢી અઢી લાખનાં ચેક આપી દીધા હતા. જે બાદ 26 યુવકો પાસેથી 65 લાખ લઈ અમદાવાદનો યુવક છૂમંતર થઈ ગયો હતો. 26 યુવકોને ઓસ્ટ્રેલિયામાં ફ્રુટની વાડી, ફ્રુટ પીકરની નોકરીની લાલચ અપાઈ હતી. આ સમગ્ર મામલે યુવકો દ્વારા આણંદ ટાઉન પોલીસ મથકે ફરિયાદ નોંધાવતા પોલીસે ફરિયાદ નોંધી તપાસનાં ચક્રોગતિમાન કર્યા છે. 

અમદાવાદનાં યુવક સાથે મુલાકાત થઈ હતી
ખંભાત તાલુકાના પાંદડ ગામનાં રહેવાસી મેહુલ પરમારને વર્ષ 2020 માં તેના મિત્ર સંદીપ ઉર્ફે સન્ની પાસેથા જણવા મળ્યું હતું કે તેનાં કાકાનાં મિત્ર ઓસ્ટ્રેલિયા મોકલવાનું કામ કરે છે.  જે બાદ તેઓએ અમદાવાદ ખાતે રહેતા લોઈડ જોસેફ રોઝારીયોનો સંપર્ક કર્યો હતો. જે બાદ તેઓએ સમગ્ર માહિતી મેળવી હતી. જેમાં તેઓને ત્રણ વર્ષ માટેનાં વર્ક પરમીટ વિઝા ઉપર તેઓ ઓસ્ટટ્રેલિયા જઈ શકે છે. જે બાદ મેહુલ તેમજ તેનાં મિત્રોએ જિતેન્દ્રભાઈ ગોવિંદભાઈ ચૌહાણ, સાહિલસેન જશવંતભાઈ પરમાર, ચિરાગ ભગવાનભાઈ ચાવડા વર્ષ 2020 માં આણંદ આવ્યા હતા. 

યુવકો દ્વારા સેમિનાર કરવા માટે અઢી લાખ રૂપિયા ભર્યા હતા
આણંદ ખાતે લોઈડ રોઝારીયો તેમજ તેના ભાઈ લેવલીન રાઝારીયોએ એક સેમિનારનું આયોજનક રર્યું હતું. જેની ડિપોઝીટ પેટે રૂા. 2.50 લાખ જમા કરાવવા કહ્યું હતું. જે બાદ મેહુલ તેમજ તેનાં મિત્રો દ્વારા આ સમગ્ર બાબતે તેઓનાં મિત્રો તેમજ અન્ય સગા-સબંધીઓને કરતા 25 જેટલા યુવકો તૈયાર થયા હતા.  જે બાદ તેઓને તમામ ડોક્યુમેન્ટ સાથે રૂપિયા અઢી લાખ ભર્યા હતા.  જે બાદ વોટસએપ ગ્રુપ બનાવવામાં આવ્યું હતું. જે બાદ કોરોનાં આવી જતા ઓનલાઈન મીટીંગ કરતા હતા. અને તમામને ઓસ્ટ્રેલિયા જવાની બાંહેધરી આપી હતી. 

વધુ વાંચોઃ ભુજ-ભચાઉ હાઈવે પર અકસ્માત, ડિવાઈડર સાથે કાર અથડતા ફાડિયાં થયા, 3ના મોત

યુવકો દ્વારા લોઈડ રોઝારીયાનાં ઘરે તપાસ હાથ ધરતા તે વિદેશ જતો રહ્યો હોવાનું જાણવા મળ્યું
લોઈડ રોઝારીયો દ્વારા એક વર્ષમાં વિઝા આવી જવાની વાત કરી હતી. પરંતું તે વાતને ખૂબ લાંબો સમય વીતી ગયો હોવા છતાં વિઝાની કોઈ કાર્યવાહી થવા પામી ન હતી. જે બાદ યુવકો દ્વારા મોબાઈલ પર સંપર્ક કરતા મોબાઈલ સ્વીચ ઓફ આવતો હતો.  જે બાદ યુવકો દ્વારા અમદાવાદ સ્થિત લોઈડ રોઝારીયોનાં ઘરે વર્ષ 2023 માં તપાસ કરવા ગયા હતા. જે બાદ જાણવા મળ્યું હતું કે, તેની પત્નિ વિદેશ જતા રહ્યાનું જાણવા મળ્યું હતું.  જે બાદ યુવકોને તેમની સાથે છેતરપીંડી થયું હોવાનુ જણાતા યુવકો દ્વારા શખ્શ વિરૂદ્ધ ફરિયાદ નોંધાવતા પોલીસે ગુનો નોંધી તપાસ હાથ ધરી છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો