VIDEO / હે વિધાતા તારા લેખ.! બહેને પોક મૂકી મૃતક ભાઈને બાંધી રાખડી, રક્ષાબંધનના દિવસે જ થયું હાર્ટ એટેકથી મોત, વીડિયો રડાવી મૂકશે

भाई को राखी बांधने पहुंची थी बहन. लेकिन हार्ट आने की वजह से भाई की पहले ही हो गई थी मौत.....रोते-रोते बहन का हुआ बुरा हाल. देखें दर्द विदारक वीडियो। घटना तेलंगाना के पोद्दापल्ली की बताई जा रही है. pic.twitter.com/gxSBqmn4JO

— Deep Raj Deepakᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠ (@DeepRajDeepak1) August 31, 2023

• રક્ષાબંધનના તહેવારની ધામધૂમપૂર્વક
• તેલંગાણામાં રક્ષાબંધન પર એક દુઃખદ વીડિયો
• મૃતક ભાઈને બહેને ભારે હૈયે બાંધી રાખડી

દેશભરમાં રક્ષાબંધનના તહેવારની ધામધૂમપૂર્વક ઉજવણી કરવામાં આવી છે. આ દરમિયાન તેલંગાણામાં રક્ષાબંધન પર એક દુઃખદ વીડિયો સોશિયલ મીડિયા પર હાલ ધોમ વાયરલ થઈ રહ્યો છે. તેલંગાણાના પોડાપલ્લી જિલ્લામાં રક્ષાબંધનના પાવન પર્વ નિમિત્તે લાડકવાઈ બહેન ભાઈને રાખડી બાંધવા માટે ગઇ હતી. આ વેળાએ જ બહેન પર દુઃખનો પહાડ તૂટી પડ્યો હતો.  રક્ષાબંધન દિવસે જ ભાઈનું હાર્ટએટેકને પગલે કમકમાટીભર્યું મોત નિપજ્યું હતું. જેને લઈને પરિવારજનોમાં રોકકળાટમાં દ્રશ્યો સર્જાયા હતા.

ટ્વિટર પર પોસ્ટ કરાયેલા વાયરલ વીડિયોમાં દેખાઈ રહ્યું છે કે...
આ દરમિયાન દુઃખના સાગરમાં ડૂબેલી નાની બહેને ભારે હૈયે મૃતક ભાઈના હાથમાં રાખડી બાંધી તેમને વિદાય આપી હતી. આ હૈયુ હચમચાવી નાખે તેવો વીડિયો સોશિયલ મીડિયા પર વાયરલ થઈ રહ્યો છે. જેમાં મૃતકની ઓળખ ચૌધરી કનકૈયા તરીકે થઈ રહી છે. ટ્વિટર પર પોસ્ટ કરાયેલા વાયરલ વીડિયોમાં રડતી બહેન મૃત ભાઈને રાખડી બાંધતી દેખાઈ છે. મૃતકની નાની બહેન ગૌરમ્મા પુત્તેડુને લોકો સમજાવતા દેખાઈ રહ્યા છે.