UP / VIDEO: બજરંગબલીની મૂર્તિમાંથી નીકળી રહ્યા છે આસું, SP તપાસ કરવા પહોંચ્યા, ભક્તોનો જમાવડો

• બજરંગબલીની મૂર્તિની આંખોમાંથી આંસુ નીકળતા જોવા મળ્યા
• વાયરલ થયેલો વીડિયો ચકેરી વિસ્તારના કોયલા નગર વિસ્તારમાં સ્થિત બજરંગબલી મંદિરનો છે
• ભ્રામક વીડિયો અથવા ફોટો વાયરલ કરનારાઓ પર પણ પોલીસ બાજ નજર

હનુમાનજીના જન્મોત્સવ પહેલા ઉત્તર પ્રદેશના કાનપુરમાં એક વીડિયો ચર્ચાનો વિષય બન્યો છે. બુધવારે સવારે આ વીડિયો સોશિયલ મીડિયા પર ઝડપથી વાયરલ થયો છે. જેમાં મંદિરની અંદર સ્થાપિત બજરંગબલીની મૂર્તિની આંખોમાંથી આંસુ નીકળતા જોવા મળી રહ્યાં છે.

હનુમાનજીની આંખોમાંથી આંસુ નીકળવાના સમાચાર ફેલાતા જ મંદિરમાં દર્શન માટે ભક્તોની ભીડ જામી હતી. માહિતી મળતા જ પોલીસ કાફલો ઘટના સ્થળે પહોંચી ગયો હતો. ઉલ્લેખનીય છે કે, આ વાયરલ થયેલો વીડિયો ચકેરી વિસ્તારના કોયલા નગર વિસ્તારમાં સ્થિત બજરંગબલી મંદિરનો છે.

જણાવી દઈએ કે હનુમાનજીનો જન્મોત્સવ 6 એપ્રિલ 2023 ના રોજ ઉજવવામાં આવશે. આ પહેલા આ ઘટના અને વીડિયો વાયરલ થતા મંદિરમાં ભક્તોની ભીડ એકઠી થવા લાગી હતી. વીડિયોની નોંધ લેતા ચકેરી વિસ્તારના મદદનીશ પોલીસ કમિશનર અમરનાથ યાદવ તેમની ટીમ સાથે ઘટનાસ્થળે પહોંચ્યા હતા.

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

વીડિયોમાં કરવામાં આવેલ દાવાની પૃષ્ટિ હજી નથી થઇઃ એસીપી
તેણે મંદિરની અંદર જઈને હનુમાનજીના ચરણ સ્પર્શ કર્યા અને નિરીક્ષણ કર્યું. પ્રાથમિક તપાસમાં એવું સામે આવ્યું છે કે વાયરલ વીડિયોમાં દાવા પ્રમાણે કંઈ મળ્યું નથી. આ મામલે ACPએ કહ્યું કે તેમણે સ્થળ પર હનુમાનજીના દર્શન કર્યા. તપાસમાં વીડિયોમાં કરાયેલા દાવાની પુષ્ટિ થઈ નથી.

વીડિયો ક્યાંથી સર્ક્યુલેટ થયો તેની થઇ રહી છે તપાસ 
આ મામલે વધુમાં ACPએ કહ્યું કે, બજરંગબલી પોતે મુશ્કેલી નિવારક છે. હવે તપાસ કરવામાં આવશે કે અફવા ફેલાવવા માટે વીડિયો કોણે વાયરલ કર્યો હતો. તેમજ તે કયા હેતુથી બનાવવામાં આવ્યો હતો અને વિડિયો ક્યાંથી એડિટ કરવામાં આવ્યો હતો. આ સિવાય જ્યાંથી વીડિયો સર્ક્યુલેટ કરવામાં આવ્યો છે. આ અંગે પણ તપાસ કરવામાં આવશે.

નોંધનીય છે કે, બિહાર અને બંગાળમાં રામનવમીના અવસર પર હિંસાની ઘટનાઓને જોતા ઉત્તર પ્રદેશમાં પોલીસ સુરક્ષાની અનેક વ્યવસ્થા કરવામાં આવી છે. મંદિરોમાં ભારે ભીડ હશે. આવી સ્થિતિમાં, સોશિયલ મીડિયા પર કોઈપણ પ્રકારના ભ્રામક વીડિયો અથવા ફોટો વાયરલ કરનારાઓ પર પણ પોલીસ બાજ નજર રાખી રહી છે.

Disclaimer: ઉત્તરપ્રદેશના કાનપૂરમાં ચકેરી વિસ્તારના આવેલા બજરંગબલીના મંદિરમાં ચમત્કાર જોવા મળ્યો, અહીં દાદાની મૂર્તિમાંથી આસું ટપકી પડયા, હાલ સમગ્ર મામલે પોલીસે તપાસ હાથ ધરી છે, આ વાયરલ વીડિયો કોઈ અંધશ્રધ્ધાને પ્રોત્સાહન આપતો નથી ફક્ત ન્યૂઝના હેતુથી અપલોડ કરવામાં આવ્યો છે. VTV ગુજરાતી આ વીડિયોની પુષ્ટિ કરતું નથી