SHORT & SIMPLE / અમદાવાદમાં તંત્રનો સપાટો: જય ભવાની વડાપાઉં, કર્ણાવતી દાબેલી સહિત 11 એકમોને મારી દેવાયા તાળાં

• AMC નાં સોલિડ વેસ્ટ મેનેજમેન્ટ વિભાગની કાર્યવાહિ
• જાહેરમાં ગંદકી કરનાર તેમજ ડસ્ટબીન ન રાખતા પાન પાર્લરો કરાયા સીલ 
• AMC ની કાર્યવાહિથી પ્રતિબંધિત પ્લાસ્કિટનો ઉપયોગ, તેમજ વેચાણ કરતા એકમોમાં ફફડાટ

ઉત્તર-પશ્ચિમ ઝોનના સોલિડ વેસ્ટ મેનેજમેન્ટ વિભાગ દ્વારા સોલિડ વેસ્ટ મેનેજમેન્ટ રૂલ્સના ઉલ્લંઘન કરવાના મામલે બોડકદેવ વોર્ડના વસ્ત્રાપુરના સરદાર સેન્ટરના જય ભવાની વડાપાઉં અને કર્ણાવતી દાબેલીને તાળાં મરાયાં હતાં. તંત્રએ બોડકદેવના સરદાર સેન્ટરના પાનવિલા પાન પાર્લર, ભોલે પાન પાર્લર, મોબાઇલ એસેસરીઝ સ્ટુડિયોને પણ સીલ કર્યાં હતાં. બોડકદેવના વી ટોકને પણ તાળું મરાયું હતું તેમજ થલતેજના ક્રિષ્ના ગ્રાફિક્સ, રાગેશ્વરી કપડાંની દુકાન, એલ. જે. ટાયર સર્વિસ, જે. કે. પાન પાર્લર, એમ. કે. પાન પાર્લરને પણ સત્તાવાળાઓએ સીલ કરતાં જાહેરમાં ગંદકી કરતા, ડસ્ટબિન ન રાખતા કે પ્રતિબંધિત પ્લાસ્ટિકનો ઉપયોગ, વેચાણ, સંગ્રહ અને ઉત્પાદન કરતા એકમોમાં ભારે ફફડાટ ફેલાઈ ગયો છે. 

ઉ.પ.ઝોન SWM વિભાગ દ્વારા જાહેરમાં ગંદકી કરતા/પ્રતિબંધિત પ્લાસ્ટિક/પેપર કપ વપરાશ કરતા એકમો/ઈસમો વિરૂદ્ધ કાર્યવાહી અંતર્ગત 54 એકમોની તપાસ કરી, 42 નોટીસ ઇસ્યૂ કરી, ₹49,500/- દંડ વસૂલ કરીને 1 એકમને સીલ કરવામાં આવ્યું.

નોંધ:આગામી દિવસોમાં આ કાર્યવાહી વધારે સઘન અને કડક કરવામાં આવશે. pic.twitter.com/dPpbCIitdw

— Amdavad Municipal Corporation (@AmdavadAMC) June 16, 2023