NULL / સુરેન્દ્રનગર: ચાલુ વરસાદે જીવતો વાયર તૂટી પડતા તણખા ઝર્યા જાનહાની ટળી

સુરેન્દ્રનગર: શહેરના મેઘાણી રોડ પર રસ્તાની વચ્ચે વીજ વાયર તૂટયો છે. ચાલુ વરસાદે વીજ વાયર તૂટતા દોડધામ મચી હતી. આ ઘટનાની જાણ થતા વીજ પુરવઠા વિભાગના અધિકારીઓ ઘટના સ્થળે દોડી આવ્યા હતા. અને વીજ પુરવઠો બંધ કર્યો હતો. જોકે આ ઘટનામાં કોઈ જનહાનિ થઈ નથી.

આ ઘટનાથી વીજ પુરવઠા વિભાગની બેદરકારી સામે આવી રહી છે. રસ્તા પર વાયરો ખરાબ હાલતમાં હોવા છતા વીજ પુરવઠા વિભાગ દ્વારા કોઈ કાર્યવાહી કરવામાં આવી ન હતી. ત્યારે હવે આ ઘટના બની હતી. આ દરમિયાન કોઈ દુર્ઘટના થાય તો જવાબદારી કોની? આ પ્રકારના ઘણા સવાલો થયા છે.



ઉલ્લેખનીય છે કે એક તરફ વરસાદની શરૂઆત થઇ ગઇ છે ત્યારે સુરેન્દ્રનગરના મેઘાણી નગર ખાતે એક જીવતો વાયર રોડ પર પડતા તીખારા જરવા લાગ્યા હતા. આ ઘટનાને પગલે સ્થાનિક લોકોમાં ભયનો માહોલ જોવા મળ્યો હતો અને જીવ પડીકે બંધાયા હતા. 
 

#Surendranagar ના મેઘાણીબાગ રોડ પર ચાલુ વરસાદે વીજ વાયર તૂટતા દોડધામ
વીજ પુરવઠા વિભાગે તાત્કાલિક વીજળી બંધ કરી કોઈ મોટી દુર્ઘટના થાય તો જવાબદાર કોણ
ઘટના બાદ કલાકો સુધી વીજ પુરવઠો ખોરવાયો#Rain #Monsoon2018 pic.twitter.com/hItqjSPS7W

— VTV Gujarati News (@VtvGujarati) June 29 2018

જો કે આ ઘટના અંગેની જાણકારી નજીકના વીજ વિભાગની ઓફિસને કરવામાં આવતા ઘટનાસ્થળે GEBનો કાફલો આવી પહોંચ્યો હતો અને પરિસ્થિતી વધુ પ્રમાણમાં વણશે તે પહેલા જ તાત્કાલિક અસરથી કાર્યવાહી હાથ ધરીને વીજ પુરવઠો બંધ કર્યો હતો. 

એક તરફ વરસાદની સિઝન શરૂ થઇ ચૂકી છે ત્યારે ભર વરસાદે પાણીમાં વીજ વાયર પડે તો જાનહાની પણ થઇ શકે છે ત્યારે તંત્ર દ્વારા આવા ખરાબ વાયર અંગે અગમચેતીના પગલા ભરીને વાયર બદલવાની કામગીરી હાથ ધરવામાં આવે તેવી લોકમાંગ ઉઠવા પામી છે.