- સેક્સ મેરેજની તરફેણ કરનારાઓ માટે આજ મોટો દિવસ છે
- પસંદગીની વ્યક્તિ સાથે લગ્ન કરવો એ કોઈપણ વ્યક્તિનો મૂળભૂત અધિકાર
- કોર્ટ કાયદો ન બનાવી શકે. પરંતુ કાયદાનું અર્થઘટન કરી શકે છે
- 34 દેશોમાં ગે લગ્નને માન્યતા આપવામાં આવી છે તો લગભગ 64માં અપરાધ છે
CJI DY ચંદ્રચુડે પહેલા પોતાનો ચુકાદો આપતા ગે લગ્નને માન્યતા આપવાનો ઇનકાર કર્યો. CJIએ કહ્યું કે આ સંસદના અધિકારક્ષેત્રનો મામલો છે. જોકે, CJIએ ગે કપલને બાળક દત્તક લેવાનો અધિકાર આપ્યો છે.આ સાથે જ CJIએ કેન્દ્ર અને રાજ્ય સરકારોને સમલૈંગિકો માટે યોગ્ય પગલાં લેવાનો આદેશ આપ્યો છે.
પસંદગીની વ્યક્તિ સાથે લગ્ન કરવો એ કોઈપણ વ્યક્તિનો મૂળભૂત અધિકાર
સમલૈંગિક લગ્ન અંગેનો ચુકાદો આપતા સમયે CJIએ કહ્યું કે સરકારે સમલૈંગિક લગ્નને કાનૂની દરજ્જો આપવો જોઈએ. સુપ્રીમ કોર્ટના મુખ્ય ન્યાયાધીશ સીજેઆઈ ડીવાય ચંદ્રચુડે કહ્યું કે, પોતાની પસંદગીની વ્યક્તિ સાથે લગ્ન કરવો એ કોઈપણ વ્યક્તિનો મૂળભૂત અધિકાર છે. સાથે જ ચુકાદો આપતી વખતે CJIએ કહ્યું કે આ કેસમાં ચાર નિર્ણયો છે. કેટલાક સહમત છે અને કેટલાક અસહમત છે. તેમણે કહ્યું કે, કોર્ટ કાયદો ન બનાવી શકે. પરંતુ કાયદાનું અર્થઘટન કરી શકે છે.
34 દેશોમાં ગે લગ્નને માન્યતા આપવામાં આવી છે
સમલૈંગિક લગ્ન એટલે કે સેમ સેક્સ મેરેજની તરફેણ કરનારાઓ માટે આજનો દિવસ મોટો છે. સમલૈંગિક લગ્નને કાયદાકીય માન્યતા આપવા અંગે સુપ્રીમ કોર્ટ મંગળવારે પોતાનો ચુકાદો આપશે. અરજીકર્તાઓએ લગ્નને કાનૂની માન્યતા આપવાની માંગ કરી છે. જોકે વિશ્વના 34 દેશોમાં ગે લગ્નને માન્યતા આપવામાં આવી છે. તેમાંથી 10 દેશોમાં કોર્ટ દ્વારા નિર્ણય આવ્યો છે. એવા 23 દેશો છે જ્યાં સમલૈંગિક લગ્નને કાયદેસર માન્યતા છે.
લગભગ 64 સમલૈંગિક સંબંધ અપરાધ, ગે લગ્નને માન્યતા આપનાર તાઇવાન એશિયાનો પહેલો દેશ
જો ગે લગ્નને માન્યતા આપનાર દેશની વાત કરીએ તો વર્ષ 2001માં નેધરલેન્ડ્સ ગે લગ્નને કાયદેસર બનાવનાર પ્રથમ દેશ હતો. જ્યારે તાઈવાન એશિયાનો પ્રથમ દેશ હતો. કેટલાક એવા મોટા દેશો છે જ્યાં સમલૈંગિક લગ્ન સ્વીકારવામાં આવતા નથી. તેમની સંખ્યા લગભગ 64 છે. અહીં સમલૈંગિક સંબંધને અપરાધ માનવામાં આવે છે અને સજા તરીકે મૃત્યુદંડ પણ સામેલ છે. મલેશિયામાં ગે લગ્ન ગેરકાયદેસર છે. ગયા વર્ષે, સિંગાપોરે પ્રતિબંધો સમાપ્ત કર્યા હતા જો કે, ત્યાં લગ્ન માટે મંજૂર નથી. એક રિપોર્ટ અનુસાર, જાપાન સહિત સાત મોટી અર્થવ્યવસ્થાના દેશો પણ સમલૈંગિક લગ્નને કાયદેસરની મંજૂરી આપતા નથી.
SCના આ પાંચ જજોની બંધારણીય બેંચે કર્યું નક્કી
જણાવી દઈએ કે સુપ્રીમ કોર્ટે 11 મેના રોજ સમલૈંગિક લગ્નને કાયદાકીય માન્યતા આપવા માટેની અરજી પર સુનાવણી પૂર્ણ કરી હતી અને નિર્ણય સુરક્ષિત રાખ્યો હતો. આજે SCના પાંચ જજોની બંધારણીય બેંચ નક્કી કર્યું કે સમલૈંગિક લગ્નને કાનૂની માન્યતા આપી શકાય કે નહીં? અરજીઓની સુનાવણી કરતી બેંચમાં ચીફ જસ્ટિસ ડીવાય ચંદ્રચુડ અને જસ્ટિસ એસકે કૌલ, એસઆર ભટ્ટ, હિમા કોહલી અને પીએસ નરસિમ્હાનો સમાવેશ થાય છે. 18 ગે કપલ તરફથી કોર્ટમાં અરજી દાખલ કરવામાં આવી હતી. અરજીમાં તેઓએ લગ્નના કાયદાકીય અને સામાજિક દરજ્જા સાથે તેમના સંબંધોને માન્યતા આપવાની માંગ કરી હતી.
કોણ છે અરજદાર?
સુપ્રીમ કોર્ટમાં અરજી દાખલ કરનારમાં ગે કપલ સુપ્રિય ચક્રવર્તી અને અભય ડાંગ, પાર્થ ફિરોજ મેહરોત્રા અને ઉદય રાજ આનંદના ઉપરાંત ઘણા લોકો શામેલ છે. 20થી વધારે અરજદારોમાં મોટાભાગના સમલૈંગિક લગ્નને કાયદાકીય માન્યતા આપવાની માંગ કરી રહ્યા છે. અરજીઓમાં કહેવામાં આવ્યું છે કે સ્પેશિયલ મેરેજ એક્ટમાં ધાર્મિક અને આંતર જાતીય વિવાહને સંરક્ષણ મળ્યું છે. પરંતુ સમલૈંગિક યુગલોની સાથે ભેદભાવ કરવામાં આવ્યો છે.
