- લાઇફસ્ટાઇલમાં સામેલ કરો હેલ્દી ફૂડ
- મીઠું અને ખાંડના વધારે સેવનથી હાર્ટએટેક અને સ્ટ્રોકનો ભય વધી શકે છે
- ફ્રેંચ ફ્રાઇઝ હૃદયના સ્વાસ્થ્ય માટે ખતરનાક
અત્યારના ભાગદોડના જીવનમાં દરેક વ્યક્તિ પોતાની હેલ્થનું ધ્યાન રાખવા ઇચ્છે છે. તેમ છંતા ખાન-પાનની શરીર પર નકારાત્મક અસર થાય છે. હેલ્થનું ધ્યાન રાખવા માટે વિશેષ રીતે હેલ્ધી ફૂડનું સેવન કરવુ પણ જરુરી છે. હાલ આસપાસ જોઇએ તો હૃદયને લગતી બીમારીઓના કેસ વધી રહ્યાં છે. તેમાં પણ તમે જે રોજીંદા જીવનમાં સામાન્ય ગણો છો તે જ વસ્તુનું સેવન તમારા સ્વાસ્થ્યને નુકશાન પહોંચાડી શકે છે. તો આવો જાણીએ તે કઇ વસ્તુઓ છે, જેને આપણે ખાવાનુ ટાળવુ જોઇએ...
1. મીઠું- ખાંડઃ મીઠું અને ખાંડ ખૂબ જ વધારે ઉપયોગ કરવાથી હૃદયની ગંભીર બીમારી સુધી પહોંચાડી શકે છે. ઘણી વખત મીઠું અને ખાંડના કારણે હાર્ટ એટેક અને સ્ટ્રોક જેવી સ્થિતિ બની શકે છે.
2. રેડ મીટઃ રેડ મીટના સેવન કરતા હોય તો રોકાઇ જજો, આ હૃદયની ગંભીર બીમારીઓને આમંત્રણ આપે છે. રેડ મીટમાં સેચુરેટેડ ફેટ ખૂબ જ માત્રામાં હોય છે, જેનાથી શરીરમાં કોલેસ્ટ્રોલનું સ્તર વધારામાં મહત્વની ભૂમિકા ભજવે છે.
3. બટરઃ જો તમે હૃદયને લગતી બીમારીઓથી બચવા માંગતા હોય તો બટર જેવી વસ્તુનું સેવન કરવાનું ટાળવુ જોઇએ.
4. ફ્રેંચ ફ્રાઇઝઃ ફ્રેંચ ફ્રાઇઝ જો પસંદ કરો છો તો આજથી પોતાની પસંદ બદલી લેજો. કારણ કે ફ્રેંચ ફ્રાઇઝને પસંદ કરવી તમારા હૃદય માટે ખતરનાક સાબિત થઇ શકે છે.
5. ચિકન ફ્રાયઃ ચિકન ફ્રાયના શોખીન છો તો આ શોખ તમારા હૃદય પર ભારે પડી શકે છે. તેની ખાવાની માત્રામાં ઘટાડો કરવો જોઇએ.
6. સોડાઃ હૃદયને ફિટ રાખવા ઇચ્છો છો તો સોડા પીવાનું છોડી દેજો. સોડા પીનારા લોકોમાં હૃદયની બીમારી થવાનો ભય વધારે રહે છે.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
