ચોંકાવનાર કિસ્સો / યુટ્યુબ પર વ્યુઝ નહોતા આવતા તો વિદ્યાર્થીએ એપાર્ટમેન્ટનાં ત્રીજા માળેથી કૂદીને કરી લીધો આપઘાત

• ગ્વાલિયર IITM ના એક સ્ટુડન્ટે નજીવા કારણોસર આત્મહત્યા કરી લીધી
• યુટ્યુબ પર વ્યુઝ  ન આવવા પર આત્મહત્યા કરી લીધી

ગ્વાલિયરથી એક ચોંકાવનારી ઘટના સામે આવી છે. મીડિયા રિપોર્ટ અનુસાર ગ્વાલિયર IITM ના એક સ્ટુડન્ટે નજીવા કારણોસર આત્મહત્યા કરી લીધી હતી. તપાસમાં બહાર આવ્યું હતું કે આત્મહત્યાની પાછળનું કારણ તેની યુટ્યુબ ચેનલમાં ઓછા વ્યુઝ આવ્યા હતા એ હતું. 

આજકલના સોશ્યલ મીડિયામાં ફેમસ થવા પાછળ જુવાનીય ઘણા પેંતરા અજમાવે છે, ફેમસ થવા માટે અલગ અલગ સોશ્યલ મીડિયા પ્લેટફોર્મનો ઉપયોગ કરે છે અને અંતે વ્યુઝ અને ફોલોઅર્સ ન મળવા પર દુખી થઈ જાય છે. આવો જ એક કિસ્સો હાલ ગ્વાલિયરથી સામે આવ્યો હતો. જ્યાં  IITM ના એક સ્ટુડન્ટે યુટ્યુબ પર વ્યુઝ  ન આવવા પર આત્મહત્યા કરી લીધી હતી. 

એક મીડિયા રિપોર્ટ અનુસાર  IITM ના એક સ્ટુડન્ટ ભણતો હતો અને સાથે જ તેને ફેમસ થવા માટે એક યુટ્યુબ ચેનલ ખોલી હતી અને ટતેને લાગી રહ્યું હતું કે તે જલ્દી ફેમસ થઈ જશે પણ એવું ન થયું. તેની યુટ્યુબ ચેનલમાં વિચાર્યા મુજબ ફોલોઅર્સ અને વ્યુઝ ન આવતા એ દુખી થઈ ગયો હતો અને અંતે તેને બધી હદ પાર કરી નાખી અને બિલ્ડિંગના ત્રીજા માળ પરથી કૂદીને જીવ ટૂંકાવી દીધો હતો. 

પોલીસે કેસ દર્જ કરી અને આ વાતની જાંચ શરૂ કરી દીધી છે. જો કે એ સ્ટુડન્ટ પાસેથી હજુ કોઇ સુસાઇડ નોટ મળી નથી અને પોલીસ દ્વારા આ વાતની પુષ્ટિ કરવામાં આવી નથી કે યુટ્યુબ પર ઓછા વ્યુઝ મળવાને કારણે સ્ટુડન્ટે આત્મહત્યા કરી લીધી છે. પણ ત્યાંનાં સ્થાનિક મીડિયા રિપોર્ટ આ વાતનો દાવો કરી રહ્યા છે.