છેલ્લો દિવસ / સસ્તુ સોનું ખરીદવાનો આજે છે છેલ્લો દિવસ, સરકારની આ સ્કીમમાં રોકાણ પહેલા જાણી લો જરૂરી વાતો

• સોવરેન ગોલ્ડ બોન્ડ સ્કીમ 2021-22 સીરીઝ 6 માટે આજે છેલ્લો દિવસ
•  ભારતીય રિઝર્વ બેંકે ગોલ્ડ બોન્ડની કિંમત 4732 રૂપિયા પ્રતિ ગ્રામ નક્કી કરી
• સરકારની આ સ્કીમમાં રોકાણ પહેલા જાણી લો જરૂરી વાતો

SBI લાવ્યું   ખાસ ઓફર  
જો તમે સોનામાં રોકાણ કરવા ઈચ્છો છો તો તમે SBIની મદદ લઈ શકો છો. 30 ઓગસ્ટથી 3 સપ્ટેમ્બર સુધી તમે અહીંથી સોવરેન ગોલ્ડ બોન્ડમાં રોકાણ કરવાની સ્કીમનો આજે છેલ્લો દિવસ છે. ફિઝિકલી ગોલ્ડની જેમ સોવરેન ગોલ્ડ બોન્ડમાં રોકાણ કરવાના ફાયદા અને બોન્ડની કિંમત પણ જાણો.

RBIએ આ માટેની કિંમત જાહેર કરી
ભારતીય રિઝર્વ બેંકે શુક્રવારે કહ્યું કે સરકારી સ્વર્ણ બોન્ડને માટે કિંમત 4732 રૂપિયા પ્રતિ ગ્રામ રાખવામાં આવી છે. આ બોન્ડ 30 ઓગસ્ટથી 3 સપ્ટેમ્બર એમ 5 દિવસ માટે ખુલ્યો હતો. તેનો આજે છેલ્લો દિવસ છે.  
 
ઓનલાઈન ખરીદી પર મળે છે છૂટ
આરબીઆઈના આધારે બોન્ડને માટે તમે ઓનલાઈન અરજી કરી શકો છો. તમે પ્રતિ ગ્રામ 50 રૂપિયાની છૂટ મેળવી શકો છો એટલે કે રોકાણકારને માટે એક ગ્રામ ગોલ્ડ બોન્ડની કિંમત 4732 રૂપિયા રહેશે. સામાન્ય રોકાણકાર 1 ગ્રામથી લઈને 4 કિલોગ્રામ સુધીની ખરીદી કરી શકે છે.  આ બોન્ડની મેચ્યોરિટીની અવધિ આઠ વર્ષની હોય છે અને પાંચ વર્ષ પછી તમે આ રોકાણમાંથી બહાર આવી શકો છો. ઓછામાં ઓછા એક ગ્રામ સોનામાં બોન્ડમાં રોકાણ કરી શકાય છે.

કેવી રીતે કરી શકશો બોન્ડની ખરીદી
આ ખરીદવા માટે તમારે તમારી બેંક, BSE, NSE વેબસાઇટ અથવા પોસ્ટ ઓફિસનો સંપર્ક કરવો પડશે. તેને અહીંથી ડિજિટલી ખરીદી શકાય છે. આ એક પ્રકારનું સુરક્ષિત રોકાણ છે કારણ કે ત્યાં ન તો શુદ્ધતાની ચિંતા છે કે ન સુરક્ષાની સમસ્યા.