ગજબ! / VIDEO : અલ્યા ભઈ આ બસ નથી વિમાન છે ! ઉતરવાનું હતું તેમાં ખોલી નાખ્યાં દરવાજો, જુઓ પછી શું થયું

• આકાશમાં અધ્ધવચ્ચે યાત્રીએ વિમાનનો દરવાજો ખોલી દીધો
• પ્લેનમાં સવાર 194 લોકોનો જીવ માંડ બચ્યો
• પોલીસે દરવાજો ખોલનારાની કરી ધરપકડ

સાઉથ કોરિયાની એક ફ્લાઈટનો દરવાજો યાત્રા દરમિયાન અધવચ્ચે આકાશમાં ખુલી ગયો. જો કે પાઈલેટે સફળતાપૂર્વક એરપ્લેન લેન્ડ કરાવ્યું જેથી પ્લેન ક્રેશ થતાં બચ્યો. એરલાઈન અને સરકારી અધિકારીઓએ જણાવ્યું કે એક યાત્રીએ એશિયાના એરલાઈન્સનાં પ્લેનનો દરવાજો ચાલુ ઉડ્ડયન દરમિયાન ખોલી દીધો. માહિતી અનુસાર વિમાનમાં સવાર કેટલાક લોકોએ તે વ્યક્તિને રોકવાનો પ્રયાસ પણ કર્યો પરંતુ દરવાજો થોડો તો ખુલી જ ગયો હતો.

Man arrested after opening door as plane prepared to land in South Korea, 9 people taken to hospital - Yonhap pic.twitter.com/2cCmwV27Yg

— BNO News (@BNONews) May 26, 2023

વિમાનમાં કુલ 194 લોકો હતા સવાર
Asiana Airlinesની આ ફ્લાઈટ 194 લોકોને લઈને જેજૂનાં દક્ષિણી દ્વીપથી દક્ષિણપૂર્વી શહેર ડેગૂ જઈ રહી હતી. આ યાત્રા લગભગ 1 કલાકની હોય છે. જો કે આ દરવાજો કેટલીવાર માટે ખુલ્લો હતો તે અંગે કોઈ જાણકારી આપવામાં આવી નથી.

પોલીસે દરવાજા ખોલનારાં વ્યક્તિની ધરપકડ કરી
એરલાઈને જણાવ્યું કે પોલીસે દરવાજા ખોલનારાં વ્યક્તિની ધરપકડ કરી છે. અત્રે ઉલ્લેખનિય છે કે આ વ્યક્તિએ દરવાજો શા માટે ખોલ્યો હતો તેનું કારણ હજુ સુધી સામે આવ્યું નથી. આ વિમાનનાં યાત્રીઓમાં એથલીટ્સ શામેલ હતાં જે દક્ષિણપૂર્વી શહેર ઉલ્સાનમાં ટ્રેક અને ફીલ્ડ સ્પર્ધામાં ભાગ લેવા માટે જઈ રહ્યાં હતાં. એરલાઈને જણાવ્યું કે આ ઘટનાને લીધે કેટલાક લોકો ગભરાઈ ગયાં હતાં જો કે કોઈ પણ ઘાયલ થયું નથી.

Passenger opens exit door during flight on South Korean plane, injuring 12 https://t.co/lCG06cnZ5N pic.twitter.com/RtJyVzXz0w

— Global National (@GlobalNational) May 26, 2023

ઘટના દરમિયાન વિમાન જમીનથી 200 મીટર ઉપર હતું
આ ઘટના ચોક્કસ કેટલા વાગ્યે બની તે અંગે કોઈ માહિતી નથી મળી આવી પરંતુ સૂત્રોનું માનીએ તો વિમાનનો દરવાજો ઉડ્ડયનનાં અંતમાં લગભગ 12.45 (સ્થાનીય સમય)માં ખોલવામાં આવ્યો હતો. સોશિયલ મીડિયા પર ઘટનાનો વીડિયો સામે આવ્યો છે. એરલાઈને જણાવ્યું કે વિમાન લેન્ડિંગથી કેટલીક મિનીટ પહેલાં જ આ ઘટના બની છે. તેમણે કહ્યું કે આ ઘટના દરમિયાન વિમાન જમીનથી 200 મીટર ઉપર હતું.