નિવેદન / આ ભારતીય પૂર્વ કેપ્ટનનું નિવેદન, 'કોહલીના હાથમાં છે ધોનીનું ભવિષ્ય'

સૌરવ ગાંગુલી અનુસાર, સાઉથ આફ્રિકાના વિરુદ્ઘ 3 મેચોની ઘરેલૂ T-20 સીરિઝ માટે ધોનીને ના પસંદ કરવા પર બધા હૈરાન છે. 

સૌરવ ગાંગુલીએ આગળ કહ્યુ કે, ઇન્ટરનેશનલ લેવલ પર હવે ધોનીના ભવિષ્યને લઇને નિર્ણય ટીમ ઇન્ડિયાના કેપ્ટન વિરાટ કોહલી અને ટીમ મેનેજમેન્ટના હાથમાં છે. જ્યારે ધોનીને સાઉથ આફ્રિકા વિદુદ્ઘ થનારી T-20 સીરિઝમાં ના પસંદ કરવામાં આવ્યો તો મને આંચકો લાગ્યો હતો.

ટીમ ઇન્ડિયા પૂર્વ કેપ્ટન ગાંગુલીએ કહ્યુ કે, ''વેસ્ટ ઇન્ડિઝ પ્રવાસ પર રિષભ પંતને પસંદ કરવા પરથી સાબિત થાય છે કે ટીમ મેનેજમેન્ટ હવે ભવિષ્ય તરફ જોઇ રહ્યુ છે. ટીમ મેનેજમેન્ટ પંતની સાથે જવા ઇચ્છે છે. આ વાત પરથી  અંદાજો આવી જાય કે , રિષભ પંતને વેસ્ટ ઇન્ડિઝ પ્રવાસ માટે પંસદ કરવામાં આવ્યો હતો. એવી જ રીતે જ્યારે ધોની યુવાન હતો ત્યારે તેને મૌકો આપવામાં આવ્યો હતો.''

સૌરવ ગાંગુલીએ આગળ કહ્યુ કે, મને લાગે છે ધોનીના ભવિષ્યને લઇને વિરાટ ઘણુ મહત્વ ધરાવે છે. વિરાટ ધોની સાથે શું વાત કરે છે તે કહેવુ મુશ્કેલ છે અને મને નથી લગાતુ કે કોઇએ આ વાતમાં રસ દાખવવો જોઇએ અને પોતાનું નિવેદન આપવુ જોઇએ. 

રિષભ પંતની સરખામણી ધોની સાથે કરવા પર ગાંગુલીએ કહ્યુ કે, ''રિષભ પંત અમે.એસ.ધોની નથી અને ન તો આગામી 3-4 વર્ષમાં બની શકશે. ધોનીને 'ધ એમ.એસ.ધોની' બનવામાં 15 વર્ષ લાગ્યા હતા, તે ટીમ ઇન્ડિયામાં ખાસ જગ્યા ધરાવે છે. રિષભ પંત એક શાનદાર ખિલાડી છે અને ટીમ ઇન્ડિયાએ તેના માટે ધૈર્ય રાખવુ પડશે. તમને જણાવી દઇએ કે, વિરાટ કોહલી ભારતના સૌથી સફળ ટેસ્ટ કેપ્ટન બનવાની નજીક છે. જો ટીમ ઇન્ડિયા વેસ્ટ ઇન્ડિઝ વિરુદ્ઘ જમૈકા ટેસ્ટ જીતી જાય તો વિરાટના નામે 28 ટેસ્ટ જીત હશે અને તે ધોનીથી આગળ નીકળી જશે.''

આ સિવાય ગાંગુલીએ આગળ કહ્યુ કે, ''વિરાટ કોહલી શાનદાર કેપ્ટન છે, તે દિવસેને દિવસે સારો થતો જાય છે. IPL માં તેની ટીકા થઇ હતી. પરંતુ આ પછી મેં કહ્યુ હતુ કે, મને તેની કેપ્ટન્સી પર વિશ્વાસ છે. વર્લ્ડ કપમાં સારી કેપ્ટન્સી કરી હતી. જોકે દુર્ભાગ્યપૂર્ણ છે કે આપણે સેમિફાઇનલમાં હારી ગયા. મને લાગે છે કે, એક કેપ્ટન તરીકે તે આગળ વધ્યો છે.''