બોલિવૂડ / સોનૂ સૂદ લખશે કોરોના માઇગ્રન્ટ્સ પર પુસ્તક, તેમની લાગણીઓને આપશે વાચા

Kinjari

Last Updated: 11:32 AM, 15 July 2020

FOLLOW ON

શેર કરો

કોરોનાના આ કપરા કાળમાં બોલિવૂડ એક્ટર સોનૂ સૂદે બંને હાથ ફેલાવીને મદદ કરી છે અને સતત માઇગર્ન્ટ્સની મદદ કરી છે. મહારાષ્ટ્રના મજૂરોને ખાવાનુ પણ પહોંચાડ્યું હતું. ટ્રેન બસ વગેરે દ્વારા મજૂરોને તેમના ઘરે પહોંચાડવા મદદ કરી હતી. સોનુ હવે આ અનુભવને શબ્દો આપવા માંગે છે. તે એક બૂક લખશે તેવી માહિતી તેમણે પોતે આપી છે.

સોનૂ સૂદ લખશે પુસ્તક
કોરોનાના કપરાકાળનુ સાક્ષી બનશે પુસ્તક
માઇગ્રન્ટની કહાની સોનુની જુબાની

સોનુંએ કહ્યું કે છેલ્લા 3થી 4 મહિના તેના જીવનના મહત્વના મહિના રહ્યાં છે. માઇગ્રન્ટ્સ સાથે 16 થી 18 કલાક રહેવું તેમની તકલીફો સમજવી અને તેને અનુભવવી બધુ જ એક અલગ અનુભવ રહ્યો છે. જ્યારે સોનુ તેમને અલવિદા કહેવા જતો હતો ત્યારે તેમની આંખોમાં એક અલગ ખુશી દેખાતી હતી.

સોનુએ તેના પુસ્તકને લઇને ખુલાસો કર્યો કે, તેને વિશ્વાસ હતો કે તે કોઇ સારુ કામ કરવા જ આ શહેરમાં આવ્યો હતો. તે ભગવાનનો આભાર માને છે કે તેને પ્રવાસીઓની મદદ કરવાની એક તક મળી. મુંબઇ તેની ધડકન છે અને તેને એવુ લાગે છે કે આસામ, ઉત્તરાખંડ, બિહાર, યુપી વગેરેના ગામોમાં સોનૂનો હિસ્સો રહે છે.

તમને જણાવી દઇએ કે, સોનૂએ લોકોની મદદ કરવા માટે એક હેલ્પલાઇન નંબર જાહેર કર્યો હતો, તે સિવાય તેના સોશિયલ મિડીયા દ્વારા પણ લોકોનો સંપર્ક કરતા હતા. સોનૂ 18 18 કલાક સોશ્યલ મિડીયા પર ઓનલાઇન રહીને લોકો ક્યાં ફસાયા છે તેની પોતે જ કાળજી લેતો હતો અને જવાબ આપતો હતો.

સંકળાયેલા મુદ્દાઓ

Migrant families Sonu Sood પુસ્તક મદદ સોનૂ સુદ Bollywood